25 February 2021

News Flash

राष्ट्रपती राजवट लागू झाल्यास उद्धव ठाकरे सुप्रीम कोर्टात जाणार

कपिल सिब्बल यांच्याशी उद्धव ठाकरेंची फोनवरुन चर्चा

महाराष्ट्रात राष्ट्रपती राजवट लागू करण्यासंदर्भात निर्णय झाला तर उद्धव ठाकरे सुप्रीम कोर्टात जाणार अशी माहिती आता समोर आली आहे. एवढंच नाही तर उद्धव ठाकरे यांनी यासंदर्भात अहमद पटेल आणि कपिल सिब्बल यांच्याशीही चर्चा केली. महाराष्ट्रात सत्था स्थापनेचा अभूतपूर्व पेच निर्माण झाला आहे. शिवसेनेने जो दावा केला होता त्याची मुदत संपली आहे. त्यानंतर राष्ट्रवादीला सत्तास्थापनेसाठी बोलवण्यात आलं आहे. राष्ट्रवादीला सत्तास्थापनेचा दावा सिद्ध करता आला नाही तर राष्ट्रपती राजवट लागू शकते. असं झाल्यास उद्धव ठाकरे यांनी सुप्रीम कोर्टाचा दरवाजा ठोठावणार आहेत.

राष्ट्रपती राजवट लागू झाल्यास उद्धव ठाकरे सुप्रीम कोर्टात जाणार हे स्पष्ट झालं आहे.  भाजपाला सत्तास्थापनेचा दावा सिद्ध करण्यासाठी ४८ तास आणि शिवसेनेला २४ तास कसे काय? असा प्रश्न शिवसेनेने उपस्थित केला आहेच. अशात आता राष्ट्रपती राजवट लागू करण्यासंदर्भातली शिफारसच राज्यपालांनी केली आहे. त्यामुळे पुरेसा वेळ सत्तास्थापनेसाठी मिळाला नाही असं सांगत शिवसेना कोर्टात जाणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 12, 2019 3:25 pm

Web Title: if the maharashtra governor imposes president rule in the state shiv sena can approach supreme court scj 81
Next Stories
1 #LoksattaPoll: शिवसेना- काँग्रेस-राष्ट्रवादीच्या सरकारला ‘बहुमत’
2 सत्तेचा गुंता सुटणार : शिवसेनेसोबत जाण्यास अखेर काँग्रेस तयार
3 पर्यायी सरकार स्थापण्यासाठी सर्वाधिकार शरद पवारांना-नवाब मलिक
Just Now!
X