बीडमधील परळी येथील साठेनगर भागात सेप्टिक टँकमध्ये अडकून दोन जणांचा मृत्यू झाला आहे. सेप्टिक टँकची दुरुस्ती करताना ही दुर्घटना घडली असून या दुर्घटनेत तीन जण जखमी झाले आहेत. परळीतील साठेनगर भागात सेप्टिक टँक दुरुस्तीचे काम सुरु होते. दुरुस्ती काम करताना दोन कामगार सेप्टिक टँकमध्ये अडकले. त्यांना वाचवण्यासाठी आणखी तीन जण तिथे गेले. यात दोन जणांचा मृत्यू झाला. तर तीन जण जखमी झाले. अर्जून भालेराव, विशाल लांडगे अशी या मृतांची नावे आहेत.
