धक्कादायक! सुपारी समजून महिलेने अडकित्त्याने फोडला गावठी बॉम्ब

सावंतवाडी येथील एका महिलेनं सुपारी समजून अडकित्याने चक्क गावठी बॉम्ब फोडला आहे.

सिंधुदुर्ग जिल्ह्यातील सावंतवाडी येथे एक भयंकर घटना घडली आहे. सावंतवाडी येथील एका महिलेनं सुपारी समजून अडकित्याने चक्क गावठी बॉम्ब फोडला आहे. गावठी बॉम्ब अडकित्याने फोडल्यामुळे संबंधित महिलेची भंयकर अवस्था झाली आहे. या घटनेच ६० वर्षीय महिलेचं एक बोट पूर्णपणे तुटले असून हाताला देखील मोठी दुखापत झाली आहे. ही घटना उघडकीस आल्यानंतर परिसरात एकच खळबळ उडाली असून पोलीस या प्रकरणी आणखी तपास करत आहेत.

लक्ष्मी सखाराम देवळी असे संबंधित जखमी महिलेचे नाव आहे. जखमी लक्ष्मी देवळी या सांवतवाडीच्या ओटवणे या गावातील रहिवासी आहेत. दरम्यान, रविवारी दुपारी लक्ष्मी देवळी यांनी सुपारी समजून गावठी बॉम्ब अडकित्त्याने फोडला. गावठी बॉम्ब अडकित्याने दाबताच त्याचा मोठा स्फोट घडला. यामध्ये देवळी याच्या एका हाताचं बोट तुटलं आहे. तसेच हाताला देखील गंभीर दुखापत झाली आहे. स्फोटाचा आवाज एवढा भयानक होता, की शेजारील व्यक्तीही त्या आवाजाने घाबरल्या.

या घटनेनंतर, शेजाऱ्यांनी घटनास्थळी धाव घेत लक्ष्मी देवाळी यांना तातडीने प्राथमिक उपचारासाठी सावंतवाडी येथील उपजिल्हा रुग्णालयात दाखल करण्यात आले. घटनेची माहिती मिळताच सावंतवाडी पोलीस देखील घटनास्थळी दाखल झाले आहेत. त्यानंतर या घटनेची नोंद पोलिसांनी केली असून याबाबत चौकशी केली जात आहे. या घटनेचा पुढील तपास पोलीस करत आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Bomb exploded nut cracker betel nut sawantwadi abn

ताज्या बातम्या