CM Uddhav Thackeray Aurangabad Sabha Updates : मुख्यमंत्री उद्धव ठाकरे यांनी औरंगाबादमधील सभेत भाजपासह विरोधकांवर जोरदार हल्ला चढवला. ढेकणं चिरडायला तोफेची गरज नसते, असं म्हणत उद्धव ठाकरे यांनी भाजपा नेत्यांवर निशाणा साधला. तसेच भाजपाचा औरंगाबादमध्ये काढलेला आक्रोश मोर्चा जनतेसाठी नाही, तर हातातून सत्ता गेली त्यामुळे काढला होता, असा टोला लगावला. या सभेला राज्यभरातून मोठ्या प्रमाणात शिवसैनिक हजर राहिले. औरंगाबादमधील मराठवाडा सांस्कृतिक मंडळाच्य मैदानावर जागा न झाल्याने शहरातील इतर मैदानांवर मोठ्या स्क्रिन लावून शिवसैनिकांच्या बसण्याची व्यवस्था करण्यात आली.
