अभिनेता अरबाज खानची गर्लफ्रेंड जॉर्जिया अँड्रियानी ही आगामी 'श्रीदेवी बंगलो' या चित्रपटातून पदार्पण करत आहे. या चित्रपटात प्रिया वारियर मुख्य भूमिकेत आहे. यामध्ये अरबाजसुद्धा पाहुण्या कलाकाराच्या भूमिकेत झळकणार असल्याची माहिती आहे. ''श्रीदेवी बंगलो या चित्रपटात काम करण्यासाठी मी फार उत्सुक आहे. हा माझा पहिलाच अनुभव असून चित्रपटाच्या शूटिंगची मी आतुरतेने वाट पाहत आहे,'' अशी प्रतिक्रिया जॉर्जियाने दिला. या चित्रपटानंतर ती एका तमिळ वेब सीरिजमध्येही काम करणार आहे. दोन वर्षांपूर्वी अरबाज व मलायका अरोरा विभक्त झाले. त्यानंतर तो जॉर्जियाला डेट करू लागला. प्रशांत माम्पल्ली दिग्दर्शित हा चित्रपट वादात सापडला होता. निर्माते बोनी कपूर यांनी या चित्रपटाच्या नावावरून आक्षेप घेतला आहे. चित्रपटाचे नाव बदलण्याचीही मागणी त्यांनी केली होती. जॉर्जिया ही मॉडेल असून खान कुटुंबीयांच्या बऱ्याच कार्यक्रमांमध्ये तिला अरबाजसोबत पाहिलं गेलं. हे दोघं लवकरच विवाहबंधनात अडकणार असल्याचंही कळतंय.
