'आशिकी' या हिट चित्रपटातील अभिनेता राहुल रॉयचा एक फोटो सध्या सोशल मीडियावर तुफान व्हायरल झाला आहे. हा फोटो खुद्द राहुल रॉयने त्याच्या इन्स्टाग्राम अकाऊंटवर शेअर केला आहे. या फोटोमध्ये राहुल रॉयला पोलीस अधिकारी मारताना दिसत आहेत. त्यामुळे हा फोटो पाहून सर्वांनाच धक्का बसला आहे. पण हा फोटो राहुल रॉयच्या आगामी चित्रपटातील एका सीनमधील आहे. राहुल रॉयने हा फोटो शेअर करत 'द वॉक. दिग्दर्शक नितिन गुप्ता, नियोल फिल्म. टीम एफर्टवर मला गर्व आहे' असे म्हटले आहे. राहुल रॉयच्या 'द वॉक' या चित्रपटाची कथा प्रवासी मजदूर कामगारांवर आधारित आहे. चित्रपटात दोन प्रवासी मजदूर कामगारांची कथा दाखवण्यात येणार आहे. तसेच त्यांचा मुंबई ते उत्तर प्रदेशपर्यंतचा प्रवास या चित्रपटात पाहायला मिळणार आहे. View this post on Instagram The walk . dir Nitin Gupta neole films proud of the teams effort A post shared by Rahul Roy (@officialrahulroy) on Aug 2, 2020 at 10:37pm PDT काही दिवसांपूर्वीच या चित्रपटाचे पोस्टर प्रदर्शित करण्यात आले होते. View this post on Instagram American stroke networks ..Dir Nitin Gupta ..thank you a story that needs to be told A post shared by Rahul Roy (@officialrahulroy) on May 29, 2020 at 3:18am PDT आणखी वाचा : ‘आशिकी’चे गाणे या पाकिस्तानी गाण्याची कॉपी? विवेक अग्नीहोत्रीने शेअर केला व्हिडीओ राहुल रॉय १९९० साली 'आशिकी' चित्रपटामुळे चर्चेत होता. हा चित्रपट त्यावेळी हिट ठरला होता. तसेच चित्रपटातील गाणे विशेष गाजले होते. त्यानंतरच्या त्यांच्या चित्रपटांनी फारशी कमाई केली नाही. पण बिग बॉस या रिअॅलिटी शोमध्ये एण्ट्री होताच राहुल रॉय पुन्हा एकदा चर्चेत होता. आता त्यांच्या या आगामी चित्रपटाची चाहत्यांमध्ये उत्सुकता पाहायला मिळते.