देशभरात करोना विषाणूच्या प्रादुर्भावामुळे वातावरण गंभीर झालेलं आहे. परिस्थितीवर नियंत्रण ठेवण्यासाठी सर्व सरकारी यंत्रणा कसोशीने प्रयत्न करत आहेत. दरम्यान पंतप्रधान नरेंद्र मोदी यापुढे करोनाचा सामना कसा करायचा? याबाबत आज रात्री आठ वाजता देशवासीयांना मार्गदर्शन करणार आहेत. मोदींच्या या सूचनेवर अभिनेत्री पूजा बेदी हिने टीका केली आहे. At 8 pm @PMOIndia will address us. I hope his speech leaves out taali & thaali & gives us SOLID measures: Lockdown protocols, Economic relief packages, Medical relief measures, Reduction in taxes 2 hard hit businesses so they dont sack staff, Extension of tax filing deadlines etc pic.twitter.com/XtoTQCGLVS — Pooja Bedi (@poojabeditweets) March 24, 2020 काय म्हणाली पूजा बेदी? "आज रात्री आठ वाजता पंतप्रधान आपलं मार्गदर्शन करणार आहेत. मला आशा आहे, की यावेळी तरी ते टाळ्या आणि थाळ्या वाजवायच्या हे सोडून काहीतरी दुसरं सांगतील. लॉकडाउन प्रोटोकॉल, देशाची आर्थिक स्थिती, वैद्यकीय उपचार अशा विषयांना ते स्पर्श करतील, अशी अपेक्षा आहे." अशा आशयाचे उपरोधिक ट्विट पूजा बेदी हिने केले आहे. सिनेसृष्टीपासून दूर असलेली पूजा बेदी गेल्या काही काळात सोशल मीडियावर प्रचंड सक्रिय आहे. समाजात घडणाऱ्या विविध घडामोडींवर ती आपली मते रोखठोकपणे मांडताना दिसत आहे. दरम्यान तिने अनेकदा अमित शाह आणि नरेंद्र मोदी यांच्यावरही निशाणा साधला. या पार्श्वभूमीवर पूजाचे हे ट्विट सध्या सोशल मीडियावर जोरदार व्हायरल होत आहे. काही तासांत शेकडो नेटकऱ्यांनी यावर आपल्या प्रतिक्रिया दिल्या आहेत.
