'बिग बॉस मराठी २' हा रिअॅलिटी शो संपल्यानंतरही शिव ठाकरे व वीणा जगताप ही जोडी सोशल मीडियावर चर्चेत आहे. बिग बॉसच्या घरात या दोघांमध्ये प्रेम फुललं आणि ते आतासुद्धा कायम आहे. याचा पुरावा शिव-वीणा सोशल मीडियावरील पोस्टद्वारे वारंवार देताना दिसतात. वीणासोबतचं नातं म्हणजे बिग बॉस हा शो जिंकण्यासाठी केलेला पब्लिसिटी स्टंट नव्हता. तर मी खरंच तिच्या प्रेमात आहे, अशी कबुली शिवने दिली. वीणानेही तिच्या हातावर 'शिव' नावाचा टॅटू काढत प्रेम व्यक्त केलं. हे दोघं लवकरच लग्न करणार असल्याचंही म्हटलं जात आहे. पण लग्नासाठी आईची परवानगी फार महत्त्वाची असल्याचं शिव सांगतो. शिवच्या आईला सुरुवातीला स्क्रीनवर दाखवण्यात आलेल्या काही गोष्टी खटकल्या. त्याबद्दल शिवने काय सांगितलं ते पाहा.. 'बिग बॉस मराठी २' हा शो जिंकल्यानंतर शिवला १७ लाख रुपये बक्षीस म्हणून मिळाले. यातील काही पैसे तो ताई आणि आईला देणार असून काही इतर गोष्टींसाठी ठेवणार असल्यातंही त्याने सांगितलं.
