प्रिया वारियर हे नाव आता सोशल मीडियाला नवीन राहिलेलं नाही. मल्याळम चित्रपट ‘ओरु अदार लव्ह’मधील एका व्हिडीओमुळे प्रिया रातोरात प्रकाशझोतात आली. त्यामुळे अगदी गल्लीपासून ते दिल्लीपर्यंत तिची चर्चा रंगली होती. नजरेने घायाळ करणाऱ्या प्रियाची लोकप्रियता फक्त भारतातच नाही तर जगभरात पसरली होती. ‘विंक गर्ल’ म्हणून प्रसिद्ध असलेली प्रिया आता सोशल मीडियावर पुन्हा एकदा चर्चेचा विषय बनली आहे. प्रियाने नुकतंच तिचं इन्स्टाग्राम अकाऊंट डिअ‍ॅक्टीव्हेट केल्याचं सांगण्यात येत आहे. 'इंडिया टुडे'नुसार, अलिकडेच प्रियाने ट्रोलिंगकडे आणि नकारात्मक चर्चा करणाऱ्यांकडे दुर्लक्ष करण्याचा निर्णय घेतला होता. मात्र काही दिवसातच तिने इन्स्टाग्राम अकाऊंट डिअ‍ॅक्टीव्हेट केलं आहे. त्यामुळे प्रियाने अचानकपणे हा निर्णय का घेतला असा प्रश्न चाहत्यांना पडला आहे. पाहा : नजरेने घायाळ करणाऱ्या प्रियाचे ‘हे’ फोटो पाहून व्हाल थक्क सध्या लॉकडाउन असल्यामुळे या वेळात कुटुंबियांना वेळ देता यावा यासाठी प्रिया सोशल मीडियापासून लांब राहण्याचा प्रयत्न करत आहे. त्यामुळेच तिने इन्स्टाग्राम अकाऊंट डिअ‍ॅक्टीव्हेट करण्याचा निर्णय घेतला. प्रिया नॅशनल क्रश असून तिचे सोशल मीडियावर अफाट चाहते आहेत. इन्स्टाग्रामवर तिचे जवळपास ७ मिलिअनपेक्षा जास्त फॉलोअर्स होते. दरम्यान, इन्स्टाग्राम अकाऊंट डिअ‍ॅक्टीव्हेट करण्यापूर्वी तिने मल्याळम भाषेत एक व्हिडीओ शेअर केला होता. प्रियाने आतापर्यंत तामिळ, तेलुगु, मल्याळम या चित्रपटांमध्ये काम केलं आहे.
