उल्हासनगरमध्ये बारबालेला जिवंत जाळल्याची घटना घडली आहे. या घटनेत महिला सुमारे ६० टक्के भाजली असून तिच्यावर उल्हासनगरमधील मध्यवर्ती रुग्णालयात उपचार सुरु आहेत. उल्हासनगर- ३ मधील ब्ल्यू बेरी लॉज असून या लॉजच्या लिफ्टजवळ बारबालेवर सोमवारी संध्याकाळी एका व्यक्तीने हल्ला केला. हल्ला करणाऱ्या व्यक्तीने बारबालेला जिवंत जाळले. या घटनेत गंभीररित्या भाजलेल्या महिलेला उल्हासनगरमधील मध्यवर्ती रुग्णालयात दाखल करण्यात आले. पीडित महिला या घटनेत सुमारे ६० टक्के भाजल्याचे समजते. महिलेवर हल्ला करणारा व्यक्ती तिचा पती असल्याची प्राथमिक माहिती समोर येत आहे. याप्रकरणी मध्यवर्ती पोलीस अधिक तपास करत आहे.
