चुनाभट्टी येथील टाटानगर परीसरातील म्हाडाच्या जुन्या वसाहतीमधील इमारतीच्या पहिल्या मजल्याचे छत कोसळल्याने गजानन काळण (७५), सिद्धी काळण (३५), संतोष काळण (४५) व भूपेश काळण (११) हे चौघे जखमी झाले. यापैकी सिध्दी काळण हा गंभीर जखमी झाला असून त्याच्यावर लोकमान्य टिळक रूग्णालयात उपचार सुरू आहेत. शनिवारी दुपारी म्हाडा वसाहतीमधील ६ क्रमांकाच्या इमारतीमधील २०८ या खोलीचे छत कोसळल्याने ही घटना घडली. त्यानंतर तात्काळ जखमींना रूग्णालयात उपचारासाठी हलवण्यात आले. चारजण किरकोळ जखमी असल्याने त्यांच्यावर उपचार करून त्यांना घरी सोडण्यात आले आहे. या इमारती जुन्या झाल्यामुळे ही घटना घडल्याचे समजते.
