मुंबईतील मालाड येथे इंडस्ट्रीयल इस्टेटमध्ये गुरुवारी पहाटे आग लागली असून अग्निशमन दलाचे पथक घटनास्थळी पोहोचले आहे. आगीवर नियंत्रण मिळवण्याचे प्रयत्न सुरु असून ठाण्यातील मुंब्रा येथेही एका गोदामात बुधवारी रात्री उशिरा आग लागली. या आगीवर नियंत्रण मिळवण्यात यश आले आहे. मालाडमधील इंडस्ट्रीयल इस्टेटमध्ये गुरुवारी पहाटे आग लागली. आगीचे वृत्त समजताच अग्निशमन दलाचे चार बंब आणि चार पाण्याचे टँकर घटनास्थळी पोहोचले आहे. आगीवर नियंत्रण मिळवण्याचे प्रयत्न सुरु आहेत. मुंब्रामधील कौसा परिसरातील एका गोदामात बुधवारी रात्री उशिरा आग लागली. अग्निशमन दलाचे दोन बंब आणि चार वॉटर टँकरने आगीवर नियंत्रण मिळवल्याचे वृत्त आहे. या दोन्ही घटनांमध्ये कोणतीही जीवितहानी झालेली नाही.
