मुंबईकरांची सोमवारची सकाळ उजाडली तीच मुळी मुसळधार पावसाच्या बातमीने. शनिवारपासून सुरु झालेल्या पावसाने रविवारी रात्री चांगलाच जोर धरला. २४ तासात मुंबईत २३१ मिमी पावसाची नोंद झाली. रविवारी चेरापुंजीत २२८ मिमी पावसाची नोंद झाली होती. मुंबईच्या पावसाने हा विक्रम मोडीत काढला. सोमवारी सकाळी पावसामुळे मुंबईतील अनेक भाग जलमय झाले होते. सखल भागात पाणी साचल्यामुळे नेहमीप्रमाणे वाहतूक कोंडी झाली तर सायन, कुर्ला येथे रेल्वे ट्रॅकवर पाणी आल्याने रेल्वेचा वेगही मंदावला. रेल्वेला मुंबईची लाईफ लाईन म्हटले जाते. तिन्ही मार्गावरील रेल्वे सोमवारी सकाळी १५ ते २० मिनिटे उशिराने धावत होत्या. त्यामुळे कामावर येणाऱ्यांचे नोकरदारांचे हाल झाले. अनेकांनी पावसाचा रागरंग पाहून कामावर येण्याऐवजी सुट्टी घेणे किंवा घरातून काम करणे पसंत केले. बेस्टनेही मुंबईने पाणी साचल्यामुळे ४७ मार्गांमध्ये बदल केला होता. जाणून घेऊया मुंबईच्या कुठल्या भागात किती पाऊस झाला कुलाबा - ९९ मिमि सांताक्रूझ - १८१ मिमि कांदिवली - २३४ मिमि गोरेगाव - १७५ मिमि घाटकोपर - २१५ मिमि सीएसटी - १८४ मिमि मुलुंड -१९४ मिमि माटुंगा -१९८ मिमि माहिम/धारावी - १९१ मिमि दहीसर - २४१ मिमि