News Flash

मारहाण करणाऱ्या शिक्षिकेला अटक

क्षुल्लक चुकीवरून ५ वर्षांच्या चिमुकलीला मारहाण करणाऱ्या शिक्षिकेला शुक्रवारी गावदेवी पोलिसांनी अटक केली आहे.

| January 11, 2014 03:25 am

क्षुल्लक चुकीवरून ५ वर्षांच्या चिमुकलीला मारहाण करणाऱ्या शिक्षिकेला शुक्रवारी गावदेवी पोलिसांनी अटक केली आहे. मिशेल अँंथोनी असे या शिक्षिकेचे नाव असून तिला १८ जानेवारी पर्यंत न्यायालयीन कोठडी देण्यात आली आहे.
प्रख्यात कोलंबा हायस्कूलमध्ये मोठ्या शिशू वर्गात शिकणाऱ्या प्रिंसिका बुगडे या विद्यार्थीनीने ३१ ऐवजी १३ लिहिले होते. त्या छोट्या चुकीवरून वर्गशिक्षिका मिशेल अँंथोनी (३५) हिने तिला फुटपट्टीने पायावर बेदम मारहाण केली होती. वैद्यकीय चाचणीत मारहाण झाल्याचे स्पष्ट झाले होते. परंतु उलट ती पडली आणि लागले असा उलट कांगावा मिशेलने केला होता. तिच्या पालकांनी गावदेवी पोलिसात तक्रार दाखल केल्यानंतर पोलिसांनी गुन्हा दाखल केला होता. शुक्रवारी मिशेलला मारहाण केल्याप्रकरणी अटक करण्यात आली. तिला १८ जानेवारी पर्यंत न्यायालयीन कोठडी देण्यात आली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 11, 2014 3:25 am

Web Title: mumbai columba school teacher to be arrested today for caning 5 year old girl
टॅग : Teacher
Next Stories
1 ‘बाजारपेठेतील मागणीनुसार पदवीधर नाहीत’
2 राज यांची टीका नैराश्यातून-फडणवीस
3 सावधान नेटकऱ्यांनो, पोलीसदादा बघताहेत!
Just Now!
X