05 March 2021

News Flash

मराठी वृत्तपत्राच्या वेबसाइटवर आक्षेपार्ह पोस्ट, सायबर सेलकडून इसमाला अटक

आझाद मैदान पोलिसांनी नाहूर येथून सिद्धेश खापरे याला अटक केली आहे

मराठी वृत्तपत्राच्या वेबसाइटवर आक्षेपार्ह पोस्ट टाकणाऱ्या एका इसमाला पोलिसांनी अटक केली आहे. सिद्धेश अनिल खापरे याने त्याच्याच इमारतीत राहणाऱ्या नरहर साधू बोधारे यांच्या नावे बनावट अकाऊंट तयार केलं होतं. गेल्या दोन वर्षांपासून तो त्यांच्या नावे वृत्तपत्राच्या वेबसाइटवर आक्षेपार्ह पोस्ट टाकत होता. धक्कादायक म्हणजे सिद्धेश खापरे याने १४० बनावट अकाऊंट्स तयार केली होती. तक्रार केल्यानंतर आझाद मैदान पोलिसांनी नाहूर येथून सिद्धेश खापरे याला अटक केली.

सिद्धेश खापरे याने पूर्ववैमनस्यातून नरहर साधू बोधारे यांच्या नावे बनावट अकाऊंट तयार केलं होतं. त्यांचं घर विकण्याची जाहीरातही त्याने दिली होती. पूर्ववैमनस्यातून आपण हे कृत्य केल्याची कबुली त्याने पोलिसांकडे दिली आहे. महत्त्वाचं म्हणजे वृत्तपत्राने अकाऊंट बंद केल्यानंतर सिद्धेश याने संपादकांच्या नावे बनावट अकाऊंट तयार करुन त्यांच्या नावे आक्षेपार्ह पोस्ट टाकण्यास सुरुवात केली. सायबर क्राइम सेलकडे तक्रार केल्यानंतर आझाद मैदान पोलीस ठाण्यात गुन्हा दाखल करण्यात आला.

पोलिसांनी कारवाई करत नाहूर येथून आरोपी सिद्धेश खापरेला अटक केली. चौकशी केली असता त्याने गुन्हा कबूल केला. न्यायालयात हजर केलं असता तीन दिवसांची पोलीस कोठडी सुनावण्यात आली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 21, 2019 10:13 am

Web Title: mumbai police arrest a man for objectionable post on newspaper webside
Next Stories
1 मुंबईत सोमय्या, पुण्यात डी.वाय. पाटील खासगी विद्यापीठांच्या स्थापनेस मान्यता
2 शिवसेनेच्या विरोधात पाच ठिकाणी राणेंचे उमेदवार
3 उत्सवांतील दणदणाट : कायदा-सुव्यवस्थेची सबब देता कशी?
Just Now!
X