प्रियकराशी वेबकॅमच्या साह्याने बोलताना वादविवाद झाल्याने मुंबईतील विलेपार्ले भागातील एका तरुणीने वेबकॅमेरा सुरू असतानाच घरात गळफास घेऊन आत्महत्या केली. संबंधित तरुणी आपल्या लॅपटॉपवरील वेबकॅमेऱयाच्या साह्याने प्रियकरासोबत बोलत होती. त्यावेळी दोघांमध्ये वादविवाद झाला. चिडलेल्या तरुणीने लगोलग घरातील पंख्याला ओढणीच्या साह्याने गळफास घेऊन आत्महत्या केली. हे सगळ आपल्या लॅपटॉपवर बघत असलेल्या तरूणाने संबंधित तरुणीच्या बहिणीला फोनवरून याबद्दल माहिती दिली. मात्र, ती घरी पोहोचेपर्यंत तरुणीने आत्महत्या केली होती. तरुणीचे आई-वडील कामानिमित्त सुरतला गेले आहेत, पोलिसांनी घटनास्थळी जाऊन तरुणीचा लॅपटॉप आणि अन्य साहित्य जप्त केले आहे. तरुणीच्या आई-वडिलांना बोलावून घेण्यात आले आहे.
