मुंबईच्या पोलीस नियंत्रण कक्षातील महिला पोलिस कर्मचाऱ्यांना दूरध्वनी करून त्यांच्याशी अश्लिल संभाषण करणाऱ्या दोघांना आझाद मैदान पोलिसांनी अटक केली आहे. शंभो पासवान (१९) व सागर सुत्रे (२९) अशी त्यांची नावे आहेत. नियंत्रण कक्षातील महिला कर्मचाऱ्यांना गेल्या मार्च महिन्यापासून रात्री उशीरा नियंत्रण कक्षातील हेल्पलाईन क्रमांकावर दूरध्वनी येत होते. दूरध्वनी करणारे फोनवर अश्लिल संभाषण करत असत. आझाद मैदान पोलिसांनी तपास करून अखेर या दोघा जणांना अटक केली.
