मुंबई : लसीकरण झालेल्या नागरिकांना लोकल प्रवासाची मुभा देण्यात यावी, अशी मागणी ‘महाराष्ट्र नवनिर्माण सेने’चे अध्यक्ष राज ठाकरे यांनी मुख्यमंत्री उद्धव ठाकरे यांच्याकडे पत्राद्वारे केली आहे. प्रसंगी सर्वसामान्य प्रवाशांसाठी मनसे रस्त्यावर उतरून आंदोलन करेल, असा इशाराही त्यांनी दिला आहे. करोनाचा कहर लगेचच ओसरणार नाही, या तज्ज्ञांच्या मतांकडे लक्ष वेधत राज यांनी धोरण आखताना सरकारने कल्पकता दाखवावी, अशी अपेक्षा व्यक्त के ली आहे. ‘या आजाराचे अस्तित्व स्वीकारून त्याच्याशी मुकाबला करावा लागणार आहे. म्हणून टाळेबंदी, निर्बंध या सरधोपट मार्गांच्या पलिकडे जाऊन उपाययोजना कराव्यात,’ अशी मागणी त्यांनी के ली आहे. . तर आंदोलन सरकारने सकारात्मक उपाय योजले नाहीत तर त्यांच्या सहनशीलतेचा कडेलोट झाल्याशिवाय राहणार नाही. त्या वेळी मनसेही सर्वसामान्यांसमवेत रस्त्यावर उतरून आंदोलन करेल, असा इशारा राज यांनी दिला आहे.
