निवृत्त न्यायमूर्ती अभय ठिपसे यांनी काँग्रेस अध्यक्ष राहुल गांधी यांच्या उपस्थितीत काँग्रेसमध्ये प्रवेश केला. या प्रवेशाच्या वेळी खासदार कुमार केतकरही उपस्थित होते. अभय ठिपसे यांनी सलमान खानची हिट अँड रन केस, बेस्ट बेकरी केस, साध्वी प्रज्ञा केस यांसारखी अनेक प्रकरणे न्यायमूर्ती असताना हाताळली आहेत. काही महिन्यांपूर्वीच त्यांनी सोहराबुद्दीन शेख कथित बनावट चकमक खटल्यात अनियमितता दिसत अशून आरोपमुक्त करण्यात आलेल्या आरोपींवर फेरविचार करायला हवा असे म्हटले होते. त्यामुळे त्यांचे नाव चर्चेत आले होते. आता त्यांनी काँग्रेसमध्ये प्रवेश केला आहे. काँग्रेस अध्यक्ष राहुल गांधी आज आणि उद्या मुंबई दौऱ्यावर आहेत. आज त्यांनी भिवंडी येथील कोर्टात हजेरी लावली. त्यानंतर त्यांनी गोरेगावमध्ये सभाही घेतली. त्यानंतर मुंबईत आल्यावर राहुल गांधी यांच्या उपस्थितीत अभय ठिपसे यांनी काँग्रेसमध्ये प्रवेश केला आहे.
