मुंबईत महिलांसाठी आणखी १०० बस धावणार

 नोव्हेंबर २०१९ पासून फक्त महिला प्रवाशांसाठी तेजस्विनी बस सेवेत आणल्या.

best bus
संग्रहीत छायाचित्र

मुंबई:  बेस्ट उपक्रमाने फक्त महिलांसाठी १०० बसगाड्या चालवण्याचा निर्णय घेतला आहे. भाऊबिजेपासून या बस सेवेत दाखल होतील, अशी माहिती उपक्रमाच्या अधिकाऱ्यांनी दिली. काही मार्गांवर महिला विशेष, तर काही मार्गांवर बसप्रवेशात महिलांना प्राधान्यक्रम याप्रमाणे बस धावणार आहे. सध्या महिलांसाठी ३७ तेजस्विनी बस धावत आहेत.

 नोव्हेंबर २०१९ पासून फक्त महिला प्रवाशांसाठी तेजस्विनी बस सेवेत आणल्या. अशा ३७ तेजस्विनी बस दाखल झाल्या आहेत. सकाळी ८ ते सकाळी ११.३० आणि दुपारी ४.३० ते रात्री ८ या वेळेत तेजस्विनी बस महिलांसाठी असतात. करोनामुळे निर्बंध लागू झाल्याने प्रवास करणाऱ्या महिलांची संख्या कमीच होती; परंतु निर्बंध शिथिल झाल्याने बेस्ट प्रवाशांची संख्या वाढू लागली असून त्यात महिला प्रवासीही अधिक आहेत.

 वाढत जाणारी संख्या, त्यात उपक्रमात मोठ्या प्रमाणात दाखल होणाऱ्या बेस्ट बसगाड्या पाहता महिलांसाठी १०० बस चालवण्याचे नियोजन उपक्रमाने केले होते. त्यानुसार उपक्रमाने येत्या शनिवारपासून २७ आगारांतून महिलांसाठी १०० बस चालवण्याचा निर्णय घेतला आहे. ७० मार्गांवर या बस धावतील.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व मुंबई बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Another 100 buses will run for women in mumbai akp

Next Story
पक्षांतर्गत राजकारणाला कंटाळून राष्ट्रवादीच्या प्रवक्त्याचा राजीनामा
ताज्या बातम्या