मुंबईत लाचखोर नगरसेवक अटकेत

मुंबई महापालिकेचे प्रभाग क्रमांक ४४ चे राष्ट्रवादी पक्षाचे नगरसेवक सिरील डिसोजा यांच्यासह एकाला ५० हजार रुपयांची लाच स्विकारताना रंगेहाथ अटक करण्यात आली.

मुंबई महापालिकेचे प्रभाग क्रमांक ४४ चे राष्ट्रवादी पक्षाचे नगरसेवक सिरील डिसोजा यांच्यासह एकाला ५० हजार रुपयांची लाच स्विकारताना रंगेहाथ अटक करण्यात आली. एका जागेच्या कुंपण घालण्याच्या कामाला परवागनी मिळवून देण्यासाठी त्यांनी १ लाख रुपयांची लाच मागितली होती.
फिर्यादी यांची मालाडच्या मालवणी भागातील राठोडी गावात मोकळी जागा आहे. या जागेला त्यांना कुंपण घालायचे होते. या कामास हरकत न घेणे तसेच कामाला पालिकेतून परवागनी मिळवून देण्यासाठी नगरसेवक सिरीस डिसोजा यांनी १ लाख रुपायांच्या लाचेची मागणी केली होती. फिर्यादी यांनी याबाबत लाचलुचपत प्रतिबंधात्मक विभागाकडे तक्रार केली होती. त्यानुसार सोमवारी मालवणीच्या राष्ट्रवादी पक्षाच्या कार्यालयात सापळा लावण्यात आला होता. यावेळी सिरील यांनी पुन्हा फिर्यादीकडे पी/उत्तर प्रभागाच्या इमारत व कारखाने विभागासाठी पुन्हा ५ लाख रुपयांची मागणी केली होती.
यानंतर लाचेच्या रकमेचा ५० हजार रुपयांचा पहिला हप्ता स्विकारतांना सिरील डिसोजा आणि खाजगी इसम सिद्दीक युसूफ अन्सारी यांना रंगेहाथ अटक करण्यात आली. यापूर्वीही सिरील डिसोजा यांच्यावर लाच मागितल्याप्रकरणी गुन्हा दाखल आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व मुंबई बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Corrupt councilors arrested in mumbai

ताज्या बातम्या