निवडणुकीसाठी राज्यातील सामाजिक वातावरण बिघडवून दंगली घडवायच्य, असा कट रचला जातोय, असा गंभीर आरोप खासदार संजय राऊतांनी शिंदे गट-भाजपावर केला होता. त्यानंतर शिंदे गटाच्या नेत्यांकडून टीकास्र सोडण्यात येत आहे. दरम्यान, राऊतांच्या या आरोपांना शिंदे गटाचे प्रवक्ते दीपक केसरकर यांनीही प्रत्युत्तर दिलं आहे. संजय राऊतांनी यापूर्वी स्वत: दंगली पेटवण्याची भाषा केली आहे. त्यामुळे त्यांच्या विधानांना गांभीर्याने घेण्याची गरज नाही, असं ते म्हणाले. विधिमंडळ परिसरात माध्यमांशी बोलताना त्यांनी यासंदर्भात प्रतिक्रिया दिली.

हेही वाचा – “पळपुट्या माणसाच्या पक्षानं मोदींना…”, विधानसभेत मुनगंटीवार भडकले; राहुल गांधी प्रकरणी गदारोळ!

Hindutva organization trimbakeshwar marathi news
त्र्यंबकेश्वरमध्ये प्रसाद शुद्धीकरणासाठी हिंदुत्ववादी संघटनांतर्फे प्रमाणपत्र, अंनिसचा आक्षेप; दुकानदारांची नाराजी
Satara, Convicts, reprimanded ,
सातारा : कोयना खोरे जमीन गैरव्यवहारप्रकरणी दोषींना फटकारले
former rto commissioner Mahesh zagade
‘परिवहन’च्या कामकाजावर माजी आयुक्तांचेच बोट! मध्यस्थांसाठी यंत्रणा असल्याचा गंभीर आरोप
Sushma Andhare, Devendra Fadnavis,
“देवेंद्र फडणवीसांच्या अतिमहत्त्वाकांक्षेमुळेच…”, सुषमा अंधारेंची टीका; म्हणाल्या, “बाप हा बाप असतो”!
vidya Niketan school Dombivli marathi news
अन्यथा डोंबिवलीकरांवर भ्याड नागरिकांचे शहर म्हणून शिक्का, विद्यानिकेतन शाळेच्या जनजागृती फलकातील संदेश
Pratap Hogade, smart meter,
स्मार्ट प्रीपेड मीटर म्हणजे नालेसाठी घोड्याची खरेदी ! सर्वपक्षीय कार्यकर्त्यांनी प्रीपेड विरोधी चळवळ राबवावी – प्रताप होगाडे
AAP MP Swati Maliwal and YouTuber Dhruv Rathee
ध्रुव राठी आणि ‘आप’वर स्वाती मालिवाल यांचा मोठा आरोप; म्हणाल्या, “बलात्कार आणि जीवे मारण्याची..”
devendra fadnavis replied to sharad pawar
“शरद पवार सध्या नकारात्मक मानसिकतेत, त्यांच्यासारख्या मोठ्या व्यक्तीला..”; दुष्काळावरील टीकेला देवेंद्र फडणवीसांचं प्रत्युत्तर!

काय म्हणाले दीपक केसरकर?

संजय राऊत यांनी स्वत: यापूर्वी मुडदे पाडण्याची आणि दंगली पेटवण्याची भाषा केली आहे. त्यामुळे त्यांचे आरोप गांभीर्याने घेण्याची गरज नाही. आज देशात संजय राऊतांच्या विधानांना कोणीही गांभीर्याने घेत नाही, असं प्रत्युत्तर दीपक केसरकर यांनी दिलं.

राऊतांनाच दंगली भडकवायच्या आहेत

एकेकाळी सामना हे शिवसेनेचं मुखपत्र होतं. शिवसेना काय सांगते हे सामानाद्वारे लोकांना कळत होतं. मात्र, आज सामनाची प्रतिष्ठा संजय राऊतांमुळे कमी झाली आहे. संजय राऊतांनी आता आपल्या भाषणाला मर्यादा घातल्या पाहिजे. दंगलीची भाषा बोलणं हे सुद्धा चुकीचं आहे. संजय राऊतांनाच राज्यात दंगली घडवायच्या असतील म्हणून ते अशा प्रकारची भाषा वापरत आहेत. त्यामुळे सरकारने याची चौकशी करावी, असेही ते म्हणाले.

हेही वाचा – “विधीमंडळात जायला दोघांसाठी वेगळा रस्ता…” फडणवीस-ठाकरे भेटीवर संजय राऊतांची प्रतिक्रिया

संजय राऊत नेमकं काय म्हणाले होते?

संजय राऊत आज नाशिक दौऱ्यावर होते. यादरम्यान त्यांनी माध्यमांशी संवाद साधला. यावेळी बोलताना त्यांनी शिंदे गट -भाजपावर सडकून टीका केली होती. महाराष्ट्रातलं वातावरण बिघडवायचं, दंगली घडवायच्या आणि निवडणुकीला सामोरे जायचं अशी पटकथा पडद्यामागे लिहिली जात आहे. राज्यात ज्या पद्धतीने उद्धव ठाकरे यांच्या नेतृत्वाखालील शिवसेनेला आणि महाविकास आघाडीला जनतेचा पाठींबा मिळतो आहे, त्यामुळे भाजपासह त्यांचे बगलबच्चे हादरले आहे. त्यामुळे जाती आणि समाजांमध्ये तेढ निर्माण करायची आणि दंगली घडवायचा कट रचला जातोय, असे ते म्हणाले होते.