मुंबई : मध्य रेल्वेच्या वाडीबंदर यार्ड आणि पनवेल रिमॉडेलिंगसाठी रात्रकालीन ब्लॉक सुरू असल्याने रविवारी मध्य रेल्वेच्या सीएसएमटी ते कल्याण मुख्य मार्गिका आणि सीएसएमटी ते पनवेल हार्बर मार्गिकेसह ट्रान्सहार्बर आणि बेलापूर-खारकोपर (बीएसयू) मार्गिकेवर मेगा ब्लॉक नसेल. तर, पश्चिम रेल्वेवर रविवारी चर्चगेट ते मुंबई सेंट्रल दरम्यान जलद मार्गावर ब्लॉक असेल. पश्चिम रेल्वे कुठे : चर्चगेट ते मुंबई सेंट्रल दरम्यान जलद मार्गावर कधी : सकाळी १०.३५ ते दुपारी ३.३५ परिणाम : ब्लॉक कालावधीत चर्चगेट ते मुंबई सेंट्रल दरम्यान सर्व जलद मार्गावरील लोकल धिम्या मार्गावर चालवल्या जातील. काही अप आणि डाऊन लोकल रद्द असतील.
