वर्धा : सावित्रीबाई फुले पुणे विद्यापीठातर्फे महाराष्ट्र सेट ही प्राध्यापक पात्रता परीक्षा घेण्यात आली होती.महाराष्ट्र व गोवा राज्यात सहाय्यक प्राध्यापक भरतीसाठी घेण्यात आलेल्या या परीक्षेचा निकाल जाहीर करण्यात आला आहे. केवळ ६.५९ टक्के विद्यार्थी पात्र ठरले आहे. एकूण १ लाख १९ हजार ८१३ विद्यार्थ्यांनी नोंदणी केली होती. ५१ हजार ५१२ मुलं तर ६८ हजार २७६ मुलींनी नोंदणी केली. त्यापैकी अनुक्रमे ४३ हजार ५१७ व ५७ हजार ७२३ मुलामुलींनी परीक्षा दिली. मुलांचे पात्र ठरण्याचे प्रमाण ८. २० टक्के तर मुलींचे प्रमाण ५. ३८ टक्के आहे. सेटमध्ये मुली मागे पाडल्याचे चित्र आहे. हेही वाचा - एमपीएससीचा निम्न श्रेणी लघुलेखक पदाचा निकाल जाहीर, येथे पहा निकाल तसेच १७ तृतीयपंथीय विद्यार्थ्यांनी ही परीक्षा दिली होती. त्यात दोन पात्र ठरले. तर ३७२ दिव्यांग व ६८ अनाथ विद्यार्थ्यांपैकी अनुक्रमे ३३७ व ६० विद्यार्थ्यांना यश आले. एकूण ७१ विषयांसाठी ही परीक्षा झाली. सेटच्या लिंकवर सविस्तर निकाल उपलब्ध आहे.
