बुलढाणा : उद्या बुधवारी बुलढाण्यात आयोजित मराठा क्रांती मोर्चा अभूतपूर्व अन सात वर्षांपूर्वीच्या मोर्च्यापेक्षा वरचढ ठरणार असल्याचा दावा आयोजकांनी केला आहे. यामुळे गर्दीचे नियंत्रण व कायदा, सुव्यस्थेच्या दृष्टीने आव्हान असणाऱ्या या मोर्च्यासाठी पोलीस विभागाने कडक बंदोबस्तरुपी चक्रव्युहाचे नियोजन केले आहे. कर्तव्यदक्ष अधिकारी म्हणून परिचित असलेले पोलीस अधीक्षक सुनील कडासने हे स्वतः बंदोबस्तासाठी मैदानात (रस्त्यांवर) उतरणार आहे. त्यांच्या दिमतीला ५ पोलीस उपअधीक्षक राहणार असून चार राज्यमहामार्गवरून शहरात येणारे व बुलढाण्यातील सकल मराठा बांधव यामुळे निर्माण होणाऱ्या भगव्या वादळाला 'शांत' ठेवण्याची जवाबदारी त्यांच्यावर राहणार आहे. ५ उपविभागातील २० पोलीस निरक्षक, ४४ पोलीस निरीक्षक व सहायक पोलीस निरीक्षक बंदोबस्ताची धुरा सांभाळणार आहे. त्यांना ६६२ पुरुष व १६५ महिला कर्मचाऱ्यांकडून बंदोबस्त करून घ्यावा लागणार आहे. याशिवाय ५५ वाहतूक कर्मचारी तैनात करण्यात येणार आहे. याशिवाय ४३ साध्या वेषातील खुफिया आणि १५ कॅमेरे यांची मोर्च्यावर करडी नजर राहणार आहे. आणीबाणीच्या परिस्थितीसाठी ३ दंगा काबू पथक सज्ज राहणार आहे. हेही वाचा - नागपूर: आंतरभारती आश्रमाचे संस्थापक डॉ. भाऊसाहेब झिटे यांचे निधन हेही वाचा - महागाईचा भस्मासूर! आता तूर डाळीने वटारले डोळे, किलोला तब्बल १७५ रुपये दर समन्वयकसोबत चर्चा आज दुपारी पोलीस अधीक्षक सुनील कडासने यांनी आपल्या दालनात निवडक समन्वयक व आयोजकांशी विचारमंथन केले. त्यांनी मोर्च्याची रुपरेषा, स्वरूप, नियोजन समजून घेतले. तसेच मोर्चा सुरळीत कसा पार पडेल यादृष्टीने विचारविनिमय करून आयोजकांची मते जाणून घेतली.
