नागपूर : प्रेमाच्या जाळ्यात ओढून लग्नाचे आमिष दाखवून तरुणीवर बलात्कार करणाऱ्या आरोपीवर यशोधरानगर पोलिसांनी गुन्हा नोंदविला आहे. श्रीकांत लेकुरवाडे (२६) असे आरोपीचे नाव आहे.

या बातमीसह सर्व प्रीमियम कंटेंट वाचण्यासाठी साइन-इन करा

२०१८ मध्ये पीडित २५ वर्षीय तरुणीची श्रीकांतशी ओळख झाली होती. ओळखीचे रुपांतर मैत्रीत आणि मैत्रीचे प्रेमात व्हायला वेळ लागला नाही. दोघांच्या गाठीभेटी वाढल्या. श्रीकांतने तरुणीला फिरायला जाण्याचा बहाणा करून एका हॉटेलमध्ये नेले. तेथे तिला शारीरिक संबंधाची मागणी केली. मात्र, तिने नकार दिला. त्यामुळे त्याने तिला लग्न करण्याचे आमिष दाखवले आणि तिच्यावर हॉटेलमध्ये बलात्कार केला. तो वारंवार तरुणीचे लैंगिक शोषण करीत होता. शारीरिक संबंधास नकार दिल्यानंतर तो थेट लग्न न करण्याची धमकी देत होता. त्यामुळे वारंवार ती श्रीकांतसोबत हॉटेलमध्ये जायला लागली. परंतु, लग्नाबाबत विचारताच टाळाटाळ करायचा.

हेही वाचा >>>कंत्राटी वीज कर्मचाऱ्यांच्या प्रश्नावर नागपुरात बैठक सुरू

काही दिवसांपूर्वी तरुणीने त्याच्यावर लग्नासाठी विचारणा केली. आईवडिलांशी बोलून लग्नाबाबत चर्चा करण्याची गळ घातली. परंतु, श्रीकांतने लग्न करण्यास स्पष्ट नकार दिला. नातेवाईक असलेल्या तरुणीशी लग्न करणार असल्याचे सांगून तरूणीची बोळवण करीत होता. त्यामुळे तरुणीने घटनेची तक्रार पोलिसात केली. गुन्हा नोंद झाल्यापासून श्रीकांत फरार आहे. पोलीस त्याचा शोध घेत आहेत.

Nagpur News (नागपूर / विदर्भ न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.
Web Title: Rape of a young woman by luring her for marriage nagpur adk 83 amy
First published on: 03-02-2024 at 19:05 IST