पनवेलवर बुधवारी सकाळी साडेसात वाजल्यापासून इंद्रधन्युष्याची छटा अवतरल्याने नागरीकांची सकाळ प्रसन्न वातावरणात झाली. कामोठे ते उरण या आभाळावरती इंद्रधनुष्याच्या रंगांची बरसात झाली होती. भ्रादपद महिना सूरु झाल्यापासून दररोज पडणा-या अनियमित पावसामुळे नागरीक घराबाहेर पडताना पावसापासून बचावण्यासाठी नियोजन करत असताना बुधवारच्या सकाळी मात्र पनवेल व उरणकरांसाठी आभाळातील वेगवेगळ्या रंगांची छटांची उधळन पाहून घराबाहेर पडलेल्या नागरिकांच्या चेह-यावर वेगळा आनंद दिसत होता.
