scorecardresearch

Premium

वाशीममध्ये भाजप जिल्हाध्यक्ष आमदार राजेंद्र पटणी यांना मोठा धक्का

वाशीम जिल्ह्यातील कारंजा विधानसभा मतदारसंघ हा भाजप आमदार राजेंद्र पाटणी यांचा गड. मात्र, नुकत्याच झालेल्या कृषी उत्पन्न बाजार समितीच्या निवडणुकीत माजी आमदार प्रकाश डहाके यांच्या पत्नी सई डहाके यांनी सर्वच्या सर्व १८ संचालक निवडून आणत या गडाला सुरुंग लावला.

Washim BJP Rajendra Patni
वाशीममध्ये भाजप जिल्हाध्यक्ष आमदार राजेंद्र पटणी यांना मोठा धक्का (छायाचित्र – लोकसत्ता ग्राफिक्स टीम)

वाशीम : जिल्ह्यातील कारंजा विधानसभा मतदारसंघ हा भाजप आमदार राजेंद्र पाटणी यांचा गड. मात्र, नुकत्याच झालेल्या कृषी उत्पन्न बाजार समितीच्या निवडणुकीत माजी आमदार प्रकाश डहाके यांच्या पत्नी सई डहाके यांनी सर्वच्या सर्व १८ संचालक निवडून आणत या गडाला सुरुंग लावला. भाजपचे प्राबल्य असलेल्या मतदारसंघात आजही ‘डहाके पॅटर्न’चीच हवा असल्याचे यामुळे अधोरेखित झाले.

खरेदी विक्रीपाठोपाठ बाजार समितीमधील पराभव आ. पाटणींसाठी धोक्याची घंटा असून भाजपला आपला गड राखणे कठीण जाणार असल्याचे संकेत यातून मिळत आहे. कारंजा विधानसभा मतदारसंघ वाशीम-यवतमाळ लोकसभा मतदारसंघात मोडतो. भाजपचे विद्यमान जिल्हाध्यक्ष पाटणी या मतदारसंघाचे प्रतिनिधित्व करतात. माजी आमदार दिवंगत पकाश डहाके यांचा अपवाद वगळता या मतदारसंघाचे बाहेरील उमेदवारानेच प्रतिनिधित्व केल्याचा इतिहास आहे. आ. पाटणी मतदारसंघाबाहेरील उमेदवार असले तरी त्यांनी दोन वेळा या मतदारसंघात विजय मिळवला आहे. नुकत्याच पार पडलेल्या बाजार समितीच्या निवडणुकीत त्यांनी उडी घेतली होती. मात्र, सई डहाके यांनी या निवडणुकीत १८ पैकी १८ संचालक निवडून आणत त्यांना जोरदार धक्का दिला. यामुळे ग्रामीण भागात भाजपला मोठा फटका बसला.

virat kohli
विराट कोहलीची विश्वचषकातून माघार? तातडीने मुंबईला रवाना झाल्याने चर्चांना उधाण
kitchen tips in marathi how to make roti with tea strainer kitchen jugaad video viral
Kitchen Jugaad: चपातीवर चहाची गाळणी नक्की फिरवा; अशी कमाल होईल की तुम्ही विचारही केला नसेल, काय ते VIDEO मध्ये पाहा
Sharad Pawar NCP
“ते सहसा माझ्या शब्दाला नकार देत नाहीत”; शरद पवारांच्या वक्तव्याची जोरदार चर्चा, म्हणाले…
उपमुख्यमंत्र्यांच्या पत्नीने कोणते कपडे घालावेत, हे ठरवणारे तुम्ही कोण?

हेही वाचा – नंदुरबारमध्ये भाजप-शिंदे गटातील वादाचा काँग्रेसला लाभ

प्रकाश डहाके राष्ट्रवादीचे आमदार होते. माजी गृहमंत्री दिलीप वळसे पाटील यांचे ते नातेवाईक. जिल्ह्याच्या राजकीय पटलावर ‘दादा’ म्हणून त्यांची ख्याती होती. परंतु त्यांच्या निधनानंतर या मतदारसंघात राजकीय पोकळी निर्माण झाली. ही पोकळी भरून काढण्यासाठी काही नेत्यांनी राजकीय गणिताची फेरमांडणी केली. सई डहाके यांनी बाजार समिती निवडणुकीच्या माध्यमातून राजकीय पदार्पण केले आणि पदार्पणालाच विजय मिळवत आ. पाटणी आणि भाजपला धक्का दिला. कारंज्याच्या राजकीय आखाड्यात आगामी निवडणुकांमध्ये डहाकेंना डावलून चालणार नाही, हे पुन्हा एकदा सिद्ध झाले.

विधानसभा निवडणुकीची गणिते बदलणार?

कारंजा विधानसभा मतदारसंघात मानोरा व कारंजा हे दोन तालुके येतात. पाटणी यांनी एकदा शिवसेनेच्या तिकिटावर विजय संपादन केला होता. त्यानंतर ‘मोदी लाटेत’ त्यांनी भाजपात प्रवेश केला आणि जिल्हाध्यक्षपदासह आमदारकी मिळवली. आगामी विधानसभा निवडणुकीत भाजपकडून पाटणी हेच उमेदवार असतील, अशी दाट शक्यता आहे. राष्ट्रवादीचे ज्येष्ठ नेते माजी मंत्री सुभाष ठाकरे यांनी कारंजा विधानसभा लढवली होती. मात्र, त्यांचा पराभव झाला होता. प्रकाश डहाके यांनी राष्ट्रवादीकडून निवडणूक जिंकली होती. आता राष्ट्रवादीकडून सई डहाके यांच्या नावावार शिक्कामोर्तब होऊ शकते. असे झाल्यास या मतदारसंघातील राजकीय गणिते बदलू शकतात.

हेही वाचा – नामांतराने नगरची सामाजिक समीकरणे बदलणार ?

पुंजानींमुळे राष्ट्रवादीच्या ताकदीत भर

२०१९ च्या विधानसभा निवडणुकीत पाटणी यांना ७३ हजार २०५ मते पडली होती. प्रकाश डहाके यांना ५० हजार ४८१ मते मिळाली होती, तर वंचित बहुजन आघाडीने उमेदवारी नाकारल्यामुळे ऐनवेळी बसपाकडून मैदानात उतरलेले युसूफ पुंजानी यांनी ४१ हजार ९०७ मते घेतली होती. आता पुंजानी आणि डहाके एकत्र आल्यामुळे राष्ट्रवादीची ताकद वाढली आहे.

Latest Comment
View All Comments
Post Comment

मराठीतील सर्व सत्ताकारण बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: In washim bjp district president mla rajendra patni suffered a big blow print politics news ssb

संबंधित बातम्या

तुम्ही या बातम्या वाचल्या आहेत का? ×