News Flash

पुणे महापालिकेच्या अर्थसंकल्पाविरोधातील याचिका न्यायालयाने फेटाळली

राष्ट्रवादी काँग्रेसने दाखल केली होती याचिका

संग्रहित छायाचित्र.

पुणे महानगरपालिकेच्या २०१७-१८ च्या अंदाजपत्रकात असमान निधी दिल्याने नाराज झालेल्या राष्ट्रवादी काँग्रेसच्या नगरसेवकांनी दाखल केलेली याचिका दिवाणी न्यायालयाने फेटाळून लावली आहे. महापालिकेने सादर केलेल्या बजेटला स्थगिती देण्यास न्यायालयाने नकार दिला आहे.

पुणे महापालिकेचे आगामी वर्षाचे ५ हजार ९१२ कोटींचे अर्थसंकल्प स्थायी समिती अध्यक्ष मुरूलीधर मोहोळ यांनी सर्वसाधारण सभेपुढे सादर केले होते. त्यावर विरोधी पक्षातील नगरसेवकांनी तीव्र शब्दात नाराजी व्यक्त केली. या अर्थसंकल्पाविरोधात राष्ट्रवादी कॉग्रेस पक्षाचे नगरसेवक भैयासाहेब जाधव,महेंद्र पठारे,योगेश जाधव यांनी धाव घेऊन याचिका दाखल केली होती. त्यावर दोन दिवस सुनावणी घेण्यात आली.

अर्थसंकल्पाला स्थगिती द्यावी असा अर्ज दाखल करण्यात आला होता. न्यायालयाचा आदेश येईपर्यंत अंदाजपत्रकातील निधीच्या खर्चास मान्यता देऊ नये, असे याचिकाकर्त्यांकडून न्यायालयासमोर सांगण्यात आले होते. गुरुवारी झालेल्या सुनावणीत न्यायालयाने ही याचिका फेटाळून लावली आहे. त्यामुळे सत्ताधाऱ्यांना काही अंशी दिलासा मिळाला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 25, 2017 11:43 pm

Web Title: pune court reject petition against pmc budget bjp ncp
Next Stories
1 …कोणीचं कोणाला मोठं करत नाही, सदाभाऊंचा शेट्टींना चिमटा
2 कचरा वेचणाऱ्या ३ अल्पवयीन मुली सुस गावातून बेपत्ता
3 दाऊदच्या नातेवाईकाच्या लग्नाला जाणाऱ्या गिरीश महाजनांनी राजीनामा द्यावा- अजित पवार
Just Now!
X