''बहिणीला मारू नकोस, भांडण करू असे..'' असे समजून सांगणार्‍या वडिलांचा त्यांच्या तेरा वर्षोय मुलानेच चाकूने भोसकून खून केल्याची धक्कादायक घटना पुण्यातील कात्रज परिसरातील जांभुळवाडीमध्ये घडली आहे. या घटनेमुळे एकच खळबळ उडाली आहे. दस्तगीर इमाम शेख (वय ४० रा. जांभुळवाडी) असे खून झालेल्या व्यक्तीचे नाव आहे. तर खून करणाऱ्या मुलाला ताब्यात घेण्यात आलं आहे. भारती विद्यापीठ पोलिसांनी दिलेल्या माहितीनुसार, आज सायंकाळी ५ वाजेच्या सुमारास जांभुळवाडीमध्ये दस्तगीर इमाम शेख हे पत्नी, मुलगा व मुलगी यांच्यासोबत घरी होते. दरम्यान, बहीण-भावाचं भांडण सुरू झाल्याने, त्यावर दस्तगीर यांनी त्यांना समाजावून सांगत, भांडण सोडवण्याचा प्रयत्न केला व ते कांदा चिरत बसले होते. दरम्यान तोच चाकू घेऊन त्यांच्या तेरा वर्षी मुलाने त्यांना भोसकले. यामुळे ते एका बाजूला पडले, त्यांनतर त्यांना तत्काळ रूग्णालयात दाखल केले गेले. मात्र डॉक्टरांनी त्यांना मृत घोषित केले .
