पिंपरीत पेट्रोल चोरीची घटना सीसीटीव्हीमध्ये कैद

इंधन दरवाढीमुळे पेट्रोल-डिझेल चोरीच्या घटनांमध्ये वाढ होताना दिसत आहे.

सध्या पेट्रोल आणि डिझेलच्या वाढलेल्या दरामुळे सर्वसामान्यांना मोठा आर्थिक फटका सहन करावा लागत आहे. शिवाय, इंधन चोरीच्या घटना देखील सुरूच आहेत. पिंपरी-चिंचवड शहरातील देहूरोड येथे चोरट्याने बुलेटमधून पेट्रोल चोरी केल्याची घटना आज पहाटेच्या सुमारास घडली आहे. हा सर्व प्रकार सीसीटीव्हीमध्ये कैद झाला आहे.

मिळालेल्या माहितीनुसार, देहूरोड येथील नटराज फोटो स्टुडिओ येथील गल्लीत बुलेट उभी करण्यात आली होती. आज पहाटेच्या सुमारास अज्ञात चोरट्याने टेहळणी करत बुलेट मालकाच्या इमारतीकडे पाहात बाटलीत पेट्रोल काढून घेतले आणि तेथून पळ काढला आहे.

मात्र, या घटनेचा सीसीटीव्ही समोर आला असून देहूरोड पोलिसांकडून आरोपीचा शोध सुरू आहे. दरम्यान, गेल्या काही दिवसांपासून पेट्रोल आणि डिझेलची दरवाढ सुरूच आहे. मध्यंतरी पेट्रोल आणि डिझेल काही रुपयांनी स्वस्त झाले. तरीदेखील सर्वसामान्यांच्या खिशाला दर परवडत नसल्याचं दिसत आहे. दोन आठवड्यापूर्वीच ट्रक मधून डिझेल चोरी केल्याचं समोर आलं होतं.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व पुणे बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Petrol theft incident in pimpri captured on cctv msr 87 kjp