scorecardresearch

Premium

पिंपरी- चिंचवडमधील ‘हे’ नेत्र रुग्णालय रुग्णांसाठी ठरतंय आशादायी! परराज्यांतून येत आहेत रुग्ण

पिंपरी- चिंचवड महानगरपालिकेच्या वतीने मासुळकर कॉलनी या ठिकाणी नेत्र रुग्णालय सुरू करण्यात आले आहे.

pimpri chinchwad municipal corporation, shankarrao masulkar urban health centre
पिंपरी- चिंचवडमधील 'हे' नेत्र रुग्णालय रुग्णांसाठी ठरतंय आशादायी! परराज्यांतून येत आहेत रुग्ण (छायाचित्र – लोकसत्ता टीम)

पिंपरी- चिंचवड : महानगर पालिकेच्या शंकरराव मासुळकर अर्बन हेल्थ सेंटर आणि आय नेत्र हॉस्पिटलमध्ये अनेक महत्त्वाच्या शस्त्रक्रिया केल्या जात आहेत. महाराष्ट्र राज्यासह परराज्यांतून या रुग्णालयात शस्त्रक्रिया करण्यासाठी रुग्ण येत आहेत. अवघ्या कमी कालावधीत हे नेत्र रुग्णालय अत्यंत महत्त्वाची कामगिरी बजावत आहे. असं असलं तरी अद्यापही अद्यावत सुविधा उपलब्ध नसल्याचं समोर आल आहे. सर्जन डॉक्टरांची आणखी एक टीम त्या ठिकाणी उपलब्ध होणे गरजेचे आहे. यासंबंधी लवकरच आम्ही प्रयत्न करणार आहोत अशी माहिती वायसीएम रुग्णालयाचे अधिष्ठाता राजेंद्र वाबळे यांनी लोकसत्ता ऑनलाईन शी बोलताना दिली आहे.

हेही वाचा : पिंपरी : फ्लिपकार्टच्या हबमधून मोबाईल लंपास करणाऱ्या डिलिव्हरी बॉयला अटक, अशी करायचा चोरी…

hospitals of Mumbai Municipal Corporation will be illuminated with the light of biogas
बायोगॅसच्या प्रकाशाने मुंबई महानगरपालिकेची रुग्णालये उजळणार
cleaning the slums mumbai
झोपडपट्ट्यांच्या स्वच्छतेसाठी दीड हजार कोटी खर्च करणार
pune new municipal corporation dehu alandi chakan ajit pawar maharashtra government
पुणे जिल्ह्यातील तिसऱ्या महापालिकेबाबत अजित पवार यांची घोषणा : म्हणाले, ‘ नवीन महानगरपालिका करता…’
primary school students in kolhapur fly to Isro
कोल्हापूरातील प्राथमिक शाळेतील १७ विद्यार्थी इस्त्रोला रवाना

पिंपरी- चिंचवड महानगरपालिकेच्या वतीने मासुळकर कॉलनी या ठिकाणी नेत्र रुग्णालय सुरू करण्यात आले आहे. या रुग्णालयात काच बिंदू, तिरळेपण, पापण्यांचे आजार, डोळ्यावरील पडदा यावरील उपचार केले जात आहेत. दररोज १५ रुग्णांच्या डोळ्यांची शस्त्रक्रिया केली जात आहे. दरम्यान, या रुग्णालयात तीन सर्जन डॉक्टर आहेत. डॉ. रूपाली महेशगौरी, डॉ. महेश टिकेकर आणि डॉ. प्राची बाकरे हे तिघेही मास्टर ऑफ सर्जन आणि उच्चशिक्षित असलेले डॉक्टर्स आहेत असं असलं तरी आणखी तीन जणांची टीम या रुग्णालयात असणं गरजेचं आहे. जेणेकरून दररोज १५ पेक्षा अधिक रुग्णांच्या डोळ्यांची सर्जरी केली जाऊ शकते. डोळ्यांच्या मागच्या पडद्याच्या म्हणजेच रेटीनाचे आजाराचे निदान या रुग्णालयात होते, परंतु उपचार घेण्यासाठी रुग्णांना खासगी रुग्णालयात जावे लागत असल्याची वस्तुस्थिती आहे.

हेही वाचा : अबब! तब्बल सात कोटींचा अश्व; पशू प्रेमींची पाहण्यासाठी झुंबड

नेत्र रुग्णालयात दररोज २०० ते २५० रुग्ण तपासणीसाठी येतात. त्यामुळे रुग्णांची गर्दी होत आहे. टोकणचे दोन काउंटर असणे गरजेचे आहे. सध्या तिथे एकच काउंटर सुरू आहे. रुग्णालयात दिशा फलक आणि सूचना फलक नाहीत. रुग्ण अत्यावस्थेत असल्यास त्याला ऑक्सिजन सिलेंडरचा सेटअप नाही. त्यामुळे रुग्णाच्या जीवितास धोका निर्माण होऊ शकतो अशी स्थिती या रुग्णालयाची आहे. रुग्णालयात अद्यावत अशा मशिनरी येणे अपेक्षित आहे. ग्रीन लेझर, विट्रोटॉमी, बायोमायक्रोस्कोप, क्रायोयुनिट, बी – स्कॅन मशीन (डोळ्याचे सोनिग्राफी मशीन) या अद्यावत मशीन आणि अद्यावत डॉक्टरांची गरज या नेत्र रुग्णालयाला आहे. कमी कालावधीत हे रुग्णालय नेत्र रुग्णांसाठी आशादायी ठरत आहे. परंतु, यात आणखी लक्ष देऊन नेत्र रुग्णालयाला काय नको? काय हवं! हे पाहणं महानगर पालिकेचे कर्तव्य आहे.

Latest Comment
View All Comments
Post Comment

Pune News (पुणे न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: Pimpri chinchwad municipal corporation shankarrao masulkar urban health centre and eye hospital kjp 91 css

First published on: 28-11-2023 at 17:40 IST

आजचा ई-पेपर : पुणे

वाचा
epaper image

संबंधित बातम्या

तुम्ही या बातम्या वाचल्या आहेत का? ×