Instagram lunch GIFs new feature: फोटो आणि व्हिडिओ शेअरिंग अ‍ॅप इंस्टाग्रामने एक नवीन फिचर लॉन्च केले आहे ज्याची वापरकर्ते बऱ्याच दिवसांपासून वाट पाहत होते. अखेर इंस्टाग्रामवर कमेंट करताना आता GIFs वापरता येणार आहे. कंपनीचे प्रमुख अ‍ॅडम मोसेरी यांनी मेटाचे सीईओ मार्क झुकरबर्गसोबत इंस्टाग्राम चॅनेलवर संवाद साधताना नवीन फिचरची माहिती दिली. इंस्टाग्रामच्या कमेंट सेक्शनमध्ये GIFचा होईल वापर इंस्टाग्रामच्या वापरकर्त्याना अधिक चांगला, अधिक सर्जनशील आणि आणखी मजेदार अनुभव मिळावा यासाठी हे फिचर आणले आहे. तसेच, GIFS वापरकर्त्यांना अधिक संवाद साधण्याची संधी देते. GIF चा वापर वापरकर्त्यांद्वारे संभाषणांमध्ये विनोद करण्यासाठी, पोस्टवर त्यांच्या प्रतिक्रिया व्यक्त करण्यासाठी किंवा त्यांच्या कमेंट अधिक आकर्षित करण्यासाठी केला जातो. असे वापरू शकता GIF इन्स्टाग्रामवरील GIF जसे ते फेसबूकसाठी वापरले जाते अगदी तसेच वापरले जाईल. वापरकर्ते एकतर GIF लायब्ररीमध्ये जाऊन वापरु शकतात किंवा विशिष्ट Giphy शोधू शकतात. तुम्ही इंस्टाग्रामवर जसे कमेंट करता अगदी तसेच कमेंट बॉक्समध्ये GIF वापरू शकता. कमेंटमध्ये Giphyवर क्लिक केल्यास तुम्हाला ट्रेंडिंग GIF दिसतात आणि इतर GIF देखील तिथे शोधू शकता. हेही वाचा - Meta मध्ये एका वर्षात चौथा राजीनामा; आता ‘या’ मोठ्या अधिकाऱ्याने कंपनीला रामराम ठोकला मोसेरी पुढे म्हणाले की, ''इंस्टाग्राम रील्समध्ये लिरिक्स नावाच्या नवीन फिचरची चाचणी करत आहे.''
