10 August 2020

News Flash

काँग्रेसचे सचिन पोटे यांचे नगरसेवक पद रद्द

माजी विरोधी पक्षनेते सचिन पोटे यांचे नगरसेवक पद पालिका प्रशासनाने बुधवारी रद्द केले.

कल्याण-डोंबिवली पालिकेतील काँग्रेसचे नगरसेवक, माजी विरोधी पक्षनेते सचिन पोटे यांचे नगरसेवक पद पालिका प्रशासनाने बुधवारी रद्द केले.

बेकायदा बांधकामप्रकरणी पोटे हे दोषी असल्याचा अहवाल पालिका प्रशासनाने तयार केला होता. उच्च न्यायालयाने एका बेकायदा बांधकाम प्रकरणात पोटे यांचे नगरसेवक पद रद्द करण्याचे आदेश पालिकेला दिले होते. पोटे यांनी नगरसेवक पद रद्द केल्याची कारवाई झाल्याची कबुली दिली. पालिका आयुक्त ई. रवींद्रन यांनी काही दिवसांपूर्वी बेकायदा बांधकामांशी संबंधित दोषी आढळलेल्या पाच नगरसेवकांना नगरसेवक पद रद्द का करू नये म्हणून नोटिसा पाठविल्या आहेत. यात पोटे यांचाही सहभाग होता. पोटे यांनी आपल्या प्रभागात एक बेकायदा बांधकाम केले आहे. दरम्यान, नगरसेवक पद रद्द केल्याप्रकरणी आपण शुक्रवारी न्यायालयात दाद मागणार आहोत. आपणावर करण्यात आलेली कारवाई ही राजकीय दबावातून करण्यात आली आहे, अशी प्रतिक्रिया सचिन पोटे यांनी ‘लोकसत्ता’ला दिली.

.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 8, 2015 1:03 am

Web Title: congress councilors sachin potes cancel of pace
टॅग Congress
Next Stories
1 हरवले ते गवसले
2 दिवा-पनवेल शटलवरून सेना भाजपमध्ये चढाओढ
3 म्हात्रेंच्या नातेवाईकांनी बोगस खरेदी खत केल्याची तक्रार
Just Now!
X