ठाण्यातील मुंब्रा भागातल्या एका टॅक्सी ड्रायव्हरने त्याला मारहाण झाल्याप्रकरणी पोलिसात तक्रार दाखल केली आहे. फैसल असं या टॅक्सी ड्रायव्हरचं नाव असून तिघांनी आपल्याला मारहाण केली. तसंच त्यानंतर जय श्रीरामच्या घोषणा देण्याची सक्तीही केली असंही फैसलनं म्हटलं आहे. या प्रकरणी पोलिसांनी गुन्हा नोंदवला आहे. Thane : FIR registered after Faisal, a taxi driver in Mumbra had filed a complaint on June 23 alleging he was beaten by three people during a road rage incident. Later he added in the complaint that he was also forced to say 'Jai Shri Ram' by the attackers. #Maharashtra — ANI (@ANI) June 27, 2019 फैसलला मारहाण करणाऱ्या तिघांचा पोलीस शोध घेत आहेत. काही दिवसांपूर्वीच झारखंडमधल्या रांचीमध्ये तरबेज अन्सारी या तरूणाला चोरीच्या संशयावरून मारहाण करण्यात आली होती. सात तास त्याला मारहाण करण्यात आली. ज्यानंतर या तरूणाला पोलिसांच्या ताब्यात देण्यात आले. मारहाणीमुळे त्या तरूणाला त्रास होऊ लागला. ज्यानंतर पोलिसांनी त्याला रूग्णालयात दाखल केलं. मागच्या शनिवारी त्याचा मृत्यू झाला. हे सगळे प्रकरण ताजे असतानाच ठाण्यातल्या मुंब्रा भागात असलेल्या टॅक्सी चालकाला तिघांनी मारहाण केल्याचा आणि त्याला जय श्रीरामच्या घोषणा द्यायला लावल्याचा प्रकार घडला आहे. एएनआयने या संदर्भातले वृत्त दिले आहे. फैसलने त्याला मारहाण करणाऱ्यांविरोधात पोलिसात धाव घेतली आहे. इतकेच नाही तर आपल्याला मारहाण केल्यानंतर जय श्रीराम चे नारे द्यायला लावले असाही आरोप फैसलने केला आहे. याप्रकरणी आता पोलीस पुढील तपास करत आहेत