कल्याण पश्चिमेत राहणाऱ्या एका अल्पवयीन मुलीवर रविवारी पाच जणांनी लैंगिक अत्याचार केल्याची घटना उघडकीस आली आहे. त्यात पीडित मुलीच्या मित्रासह त्याच्या चार साथीदारांचा समावेश असून, या पाचही जणांना खडकपाडा पोलिसांनी सोमवारी रात्री ताब्यात घेतले. समीप पाटील (१९), नीलेश काळे (२५), प्रथमेश भोईर (२१), विनायक पाटील (२०) व मयूरेश पाटील (२५) अशी अटक केलेल्या आरोपींची नावे आहेत. पीडित मुलगी कामावर गेलेल्या आईची वाट पाहत रविवारी सायंकाळी घरी बसली होती. तिला घराबाहेर बोलावण्यात आले. त्यांच्यासोबत जाण्यास नकार देताच तिचे हात बांधून तिला निर्जनस्थळी नेऊन अत्याचार करण्यात आला.
