भाईंदर : उत्तनमध्ये पित्यानेच आपल्याच नऊ वर्षीय मुलीवर बलात्कार केला असल्याची घटना घडली आहे. पीडित मुलीची आई कारखान्यात नोकरी करत असून आरोपी वडील मजूर आहे. काही दिवसांपूर्वी मुलीची आई नातेवाईंकाकडे गेली होती. या काळात आरोपीने मुलीला धमकावून तिच्यावर लैंगिक अत्याचार केले. उत्तन पोलिसांनी या प्रकरणात आरोपी वडिलांना अटक केली असून ठाणे जिल्हा सत्र न्यायालयाने आरोपीची पोलीस कोठडीत रवानगी केली असल्याची माहिती वरिष्ठ पोलीस निरीक्षक सतीश निकम यांनी दिली.
