जयेश सामंत
ठाणे : मुख्यमंत्री एकनाथ शिंदे यांच्यासाठी प्रतिष्ठेची मानली जाणारी ठाणे लोकसभेची जागा शिंदे यांच्या शिवसेनेला देण्याची तयारी भाजपने आता दाखवली आहे. मात्र येथून कुणाला उमेदवारी द्यायची, यावरून या दोन पक्षांत एकवाक्यता होत नसल्याचे वृत्त आहे. शिंदे गोटातून माजी महापौर मीनाक्षी शिंदे शेट्टी किंवा नरेश म्हस्के ही दोन नावे पुढे करण्यात आली असली, तरी सर्वेक्षण अहवालाचे दाखले देत या नावांना भाजपकडून संमती मिळत नसल्याची माहिती सूत्रांनी दिली.

उद्धव ठाकरे गटाचे उमेदवार राजन विचारे यांनी शक्तिप्रदर्शन करत सोमवारी उमेदवारी अर्ज दाखल केला. मात्र महायुतीच्या गोटात रात्री उशिरापर्यंत उमेदवारीचा घोळ कायम होता. गेल्या तीन दिवसांपासून वेगवेगळ्या नावांचे प्रस्ताव भाजपकडे पाठविले जात असून माध्यमातून काही नावांची चर्चा पद्धतशीरपणे घडवून आणली जात आहे. या नावांवर महायुतीत कशी प्रतिक्रिया उमटते याचा अंदाज दोन्ही पक्ष घेत आहेत. कोणत्याही परिस्थितीत ठाण्याची जागा आपल्या गटाला सुटावी यासाठी मुख्यमंत्री आग्रही आहेत. भाजपकडून या जागेसाठी नवी मुंबईतील नेते गणेश नाईक किंवा त्यांचे पुत्र, माजी खासदार संजीव यांच्या नावाचा आग्रह धरला गेला होता. मात्र या नावांना शिंदेसेनेत तीव्र विरोध असल्याचे सांगितले जाते. ठाणे आणि पालघरपैकी ठाणे शिंदे गटाकडे, तर पालघर भाजपकडे देण्याचा निर्णय काही दिवसांपूर्वीच पक्का झाल्याची माहिती आहे. मात्र ठाण्याच्या जागेसाठी शिंदेसेनेकडून पुढे आणण्यात आलेल्या पर्यायांवर भाजपच्या ‘चाणाक्यां’नी सर्वेक्षण अहवालाचे दाखले देत हरकत घेतल्याने हा तिढा सोमवारी रात्रीपर्यंत कायम होता. यासंबंधी मुख्यमंत्री शिंदे यांच्या गोटातून प्रतिक्रिया देण्यास कुणीही तयारी दर्शवली नाही.

Prime Minister visit soon for caste wise census Chhagan Bhujbal is aggressive on the issue of OBC
जातनिहाय जनगणनेसाठी लवकरच पंतप्रधानांची भेट; ओबीसींच्या प्रश्नावर छगन भुजबळ आक्रमक
keshav upadhye replied to anil deshmukh allegation
“माजी गृहमंत्र्याचा अभ्यास कायद्याचा नसून केवळ १०० कोटींच्या वसुलीचा, त्यामुळे…”; अनिल देशमुखांच्या ‘त्या’ आरोपाला भाजपाचं प्रत्युत्तर!
mla s from shiv sena shinde faction complaints bjp and ncp leaders for not work in lok sabha elections
भाजप, राष्ट्रवादीच्या नेत्यांकडून काम करण्यास टाळाटाळ ; शिवसेना आमदारांचा मुख्यमंत्र्यांपुढे तक्रारींचा पाढा; फडणवीस, पवारांशी चर्चा करण्याचे आश्वासन
Narendra Modi Oath Ceremony
नरेंद्र मोदींच्या शपथविधी सोहळ्यासाठी दिल्लीत कशी असणार सुरक्षा व्यवस्था?
Deputy Chief Minister Statements by Devendra Fadnavis discussion BJP
फडणवीस यांचा निर्णय नाराजीपोटी ?
dr subhash chandra appeal all to stand against threats to press freedom
माध्यम स्वातंत्र्याच्या धोक्यांविरोधात एकजूट करण्याचे ‘झी’ समूहाचे सुभाष चंद्रा यांचे आवाहन 
Devendra Fadnavis On Chhagan Bhujbal
भुजबळांच्या ‘त्या’ विधानाला फडणवीसांचं उत्तर; म्हणाले, “भाजपा सर्वात मोठा पक्ष, त्यामुळे जास्त…”
Lok Sabha election voter BJP Mohite Patil politics
मतप्रवाहाचा मागोवा: माढ्यात मोहितेंच्या प्रतिष्ठेची लढाई

हेही वाचा >>>डोंबिवलीतील घरडा सर्कलकडे जाणारे रस्ते ६ मेपर्यंत दिवसभर बंद

पुन्हा तोच निकष?

●मुख्यमंत्र्यांनी आपल्याबरोबर आलेल्या १३ खासदारांच्या जागांसाठी सुरुवातीपासून आग्रह धरला आहे. या जागांवरील उमेदवार मात्र भाजपच्या सहमतीनेच ठरविले जात असल्याचे चित्र आहे.

●भाजपने सर्वेक्षणाचे दाखले देत शिंदेंना अनेक ठिकाणी उमेदवार बदलणे भाग पाडले. नेमका हाच निकष ठाण्यासह दक्षिण मुंबई, वायव्य मुंबई व नाशिक या मतदारसंघामध्ये लावला जात असल्याचे समजते.