ठाणे: कापूरबावडी येथील नळपाडा भागात अंदाजे ४५ वर्षीय व्यक्तीचा मृतदेह बुधवारी पहाटे आढळून आल्याने खळबळ उडाली आहे. हा मृतदेह कोणाचा आहे याबाबत चितळसर पोलीस तपास करत आहेत. नळपाडा येथील भगवान चाळ परिसरात विहीर आहे. बुधवारी पहाटे ५ वाजताच्या सुमारास या विहीरीत एक मृतदेह स्थानिकांना आढळून आला. घटनेची माहिती चितळसर पोलिसांना मिळाल्यानंतर पोलीस आणि अग्निशमन दलाचे जवान घटनास्थळी दाखल झाले. त्यांनी विहीरीतून मृतदेह बाहेर काढला. मृतदेह जिल्हा शासकीय रुग्णालयात नेण्यात आला असून मृताची ओळख पटविण्याचे कार्य पोलिसांकडून सुरू आहे.
