25 September 2020

News Flash

बजरंगबलींचा हा प्रवास लंकेवरल्या स्वारीइतकाच बिकट

जगातील सर्वात मोठी ६२ फूट उंच आणि ७५० टन वजनाची हनुमंताची मूर्ती ३०० चाकांच्या गाडीवरून वाहून नेण्यात आली.

या मूर्तीसाठी १० कोटींचा खर्च आला. त्यातले साडेतीन कोटी हे केवळ कोलारमधून बंगळूरूपर्यंतच्या प्रवासासाठी राखून ठेवण्यात आले होते.

भगवान हनुमानाला संकटविमोचक म्हटलं असलं तरी त्यांच्या मुर्तीमुळे मात्र बंगळूरू शहरातील सामान्य नागरिकांना मोठा त्रास सहन करावा लागला आहे. जगातील सर्वात मोठी हनुमानाची मूर्ती कोलारवरून बंगळूरूमध्ये नेण्यात आली होती. ही प्रचंड मूर्ती वाहून नेताना रस्त्यांचं मोठं नुकसान झालंय, रस्त्याच्या दुतर्फा असणारे विजेचा खांब कोसळले आहेत तर काही ठिकाणी सांडपाणी वाहून नेणाऱ्या पाईपलाईन्सदेखील फुटल्या अल्याचं स्थानिक वृत्तपत्रांनी म्हटलं आहे. ६२ फूट उंच ७५० टन वजनाची हनुमंताची मूर्ती ३०० चाकांच्या गाडीवरून वाहून नेण्यात आली.

सोमवारी मूर्ती वाहून नेताना परिसरात मोठी वाहतूक कोंडी झाली होती. या मूर्तीसाठी १० कोटींचा खर्च आला. त्यातले साडेतीन कोटी हे केवळ कोलारमधून बंगळूरूपर्यंतच्या प्रवासासाठी राखून ठेवण्यात आले होते. शनिवारी रात्री ही मूर्ती हेन्नूर रोड परिसरातील रेल्वे पुलाखाली उडकली होती. मूर्तीची उंची जास्त असल्यानं ती पुलाखालून नेता येत नव्हती. मागे वळणंही शक्य नव्हतं. रात्री उशीपर्यंत या परिसारत गोंधळ होता. अखेर पुलाखालील रस्ता खोदून मूर्तीसाठी वाट करून देण्यात आली असल्याचं ‘न्यूज मिनिट’नं म्हटलं आहे. यामुळे शहाराच्या दिशेनं निघालेल्या लोकांना कित्येक तास वाहतूक कोंडी सहन करावी लागली.  एक किलोमीटर अंतर पार करायला तीन ते चार तास लागले अशीही तक्रार इथल्या नागरिकांनी केली. सोमवारी रात्रीपर्यंत शहरात वाहतूकीची कोंडी होती. त्यामुळे गेल्या आठवड्यात निघालेल्या या बजरंगबलींच्या मूर्तीचा प्रवास लंकेवरल्या स्वारीइतकाच बिकट होता असं म्हणायला हरकत नाही.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 10, 2018 12:21 pm

Web Title: bengaluru road damaged electric poles uprooted all for world tallest statue of hanuman
Next Stories
1 उन्नाव सामूहिक बलात्कार प्रकरण सुप्रीम कोर्टात; सीबीआय चौकशीची मागणी, भाजपा आमदारावर आहे बलात्काराचा आरोप
2 कमाल! एका झाडाला १८ प्रकारचे आंबे
3 10 वीच्या विद्यार्थिनीला दिली चुकीची प्रश्नपत्रिका, पुन्हा परीक्षा घेण्याचा हायकोर्टाचा आदेश
Just Now!
X