बेटी ही धनाची पेटी असते, म्हणूनच १ जानेवारीला बंगळुरूमधल्या महापालिका रुग्णालयात जन्म घेणाऱ्या मुलींना ५ लाख रुपये मिळणार आहे. मुलींच्या शिक्षणासाठी प्रोत्साहन मिळावं म्हणून ही रक्कम त्यांच्या बँक खात्यात जमा होणार आहे. महापालिकेच्या वतीने देण्यात येणारे पाच लाख रुपये महापालिका आयुक्त आणि मुलीच्या संयुक्त बँक खात्यात जमा करण्यात येणार असल्याची माहिती टाइम्स ऑफ इंडियानं दिली आहे. ही रक्कम मुलीच्या शिक्षणासाठी खर्च करण्यात येणार आहे. नववर्षाच्या १ तारखेला बंगळुरू महापालिकेच्या रुग्णालयांत जन्माला येणाऱ्या प्रत्येक मुलीला या योजनेचा लाभ घेता येणार आहे अशी माहिती महापौर आर. संपत राज यांनी ही माहिती दिली.
