विराट कोहलीच्या नेतृत्वाखाली खेळणारा रॉयल चॅलेंजर्स बंगळुरुचा संघ आयपीएलच्या तेराव्या हंगामात बहारदार कामगिरी करत आहे. बुधवार KKR चा ८ गडी राखून धुव्वा उडवत RCB ने गुणतालिकेत दुसऱ्या स्थानी झेप घेतली. युजवेंद्र चहल-वॉशिंग्टन सुंदरची फिरकी जोडी, पडीकल-फिंच-डिव्हीलियर्सचं फॉर्मात असणं, विराटचं कुशल नेतृत्व या सर्व गोष्टी यंदा RCB ला फायदेशीर ठरताना दिसत आहेत. ज्या पद्धतीने RCB चा संघ मैदानावर धडाकेबाज कामगिरी करतोय त्याचप्रमाणे हॉटेलवर आणि सोशल मीडियावरही त्यांची मस्ती सुरु असते. कर्णधार विराट कोहलीने ट्रेनिंग सेशनमधला, एबी डिव्हीलियर्स, पडीकल, सिराज सोबत उभा असतानाचा एक फोटो पोस्ट केला. यावर विराटने.हा फोटो पाहून शाळेत असतानाची आठवण झाली. ज्यावेळी डिव्हीलियर्ससारखा मुलगा अभ्यास करुन आलेला असतो आणि इतर तिघांना आपण संकटात सापडलोय याची जाणीव झालेली असते हे कळलेलं असतं अशी कॅप्शन दिलेली आहे. View this post on Instagram This pic takes me back to school days. 4 guys from the same class, and AB is the kid who's finished homework and is prepared and the other 3 know they are in trouble A post shared by Virat Kohli (@virat.kohli) on Oct 22, 2020 at 3:20am PDT विराट कोहलीच्या या फोटोवर RCB च्या संघातील त्याचा सहकारी चहल, पडीकल आणि SRH चा राशिद खान यांनीही सहभाग घेत भन्नाट रिप्लाय दिला. गेल्या काही हंगामांमध्ये RCB ची कामगिरी फारशी चांगली होत नव्हती. हा संघ नेहमी गुणतालिकेत अखेरच्या स्थानावर असायचा. परंतू यंदा अनुभवी आणि तरुण खेळाडूंच्या दमदार कामगिरीच्या जोरावर हा संघ प्ले-ऑफच्या दिशेने घौडदौड करतो आहे.
