पूर्वी लग्नात पारंपरिक पद्धतीने सनई चौघड्याच्या मंगलमय सुरात नवरी अगदी लाजेने गुलाबी होत, मान खाली घालत हळूवार पद्धतीने चालत यायची. पण आता चित्र बदललंय. या परंपरेला फाटा देत हल्ली लग्नात नवरी अगदी नवरदेवासारखीच बिनधास्त डान्स करत एंट्री करताना दिसते. तसा ट्रेंडच सुरू आहे. हल्ली प्रत्येकजण या ट्रेंडला फॉलो करत आपल्या लग्नात काहीतरी हटके करण्याचा प्रयत्न करत असतात. अशाच एका बिनधास्त नवरीबाईच्या धमाकेदार एंट्रीचा व्हिडीओ व्हायरल होतोय. या व्हिडीओमध्ये नवरीबाईने चक्क 'मेरे सैंया सुपरस्टार' म्हणत या गाण्यावर डान्स करत नवरदेवाचं स्वागत केलंय. तिच्या अदाकारीने नवरदेवाबरोबर उपस्थित वऱ्हाडी मंडळींच्या काळजाचा ठोका चुकला. लग्नात नवरदेव वरात घेऊन लग्नमंडपाच्या दारी आला की नवरीकडची मंडळी त्याचं औक्षण करून स्वागत करताना तुम्ही आतापर्यंत पाहिलंय. पण या व्हिडीओमध्ये स्वतः नवरीबाईच आपल्या नवरदेवाचं स्वागत करताना दिसतेय. ते ही जबरदस्त डान्स परफॉर्मन्स सादर करून….या व्हायरल व्हिडीओमध्ये तुम्ही पाहू शकता की, एक सुंदर लाल लेहेंगा परिधान केलेली नवरीबाई तिच्या नवरदेवासमोर 'एक पहेली लीला' चित्रपटातील 'मेरे सैंया सुपरस्टार' या गाण्यावर नाचताना दिसत आहे. नवरी डान्स करत असताना उपस्थित सारेच जण टाळ्या वाजवत तिला प्रोत्साहन देताना दिसून येत आहेत. या नवरीने आपल्या धमाकेदार डान्स परफॉर्मन्सने लग्नाचा मांडव गाजवला. आणखी वाचा : Aishwarya Rai ची डुप्लिकेट तुम्ही पाहिलीय का? या VIRAL VIDEO ला २४ मिलियन व्ह्यूज नेटकरी तिच्या याच स्वॅगच्या आणि आत्मविश्वासावर फिदा झाले आहेत. लग्नाचा आनंद नवरीच्या चेहऱ्यावरून स्पष्ट दिसतो. वजनदार लहेंग्यावर डान्स स्टेप्स करणं आणि एक्सप्रेशन देणं इतकं सोप काम नाही. या व्हायरल व्हिडीओमधल्या नवरीचं नाव आरती महाजन असं आहे. आणखी वाचा : आपच्या महिला आमदाराला सर्वांसमोर कानशिलात लगावली, सोशल मीडियावर VIDEO VIRAL इथे पाहा हा व्हायरल व्हिडीओ : आणखी वाचा : Titanic: ११० वर्षांनंतर समोर आलेले टायटॅनिकचे हे फोटोज कोणी पाहिले नसतील हा व्हिडीओ इन्स्टाग्रामवर 'photoshoot_wedding' नावाच्या इन्स्टाग्राम पेजवरून शेअर करण्यात आलाय. हा व्हिडीओ लोकांना इतका आवडू लागलाय की आतापर्यंत या व्हिडीओला ७ लाख ८१ हजारांपेक्षा जास्त व्ह्यूज आणि ३८ हजारांपेक्षा जास्त लाईक्ससह व्हायरल झाला आहे. नेटिझन्स नवरीच्या डान्स परफॉर्मन्सने आणि स्वतः नवरदेवाचे स्वागत करण्याच्या तिच्या अनोख्या पद्धतीने प्रभावित झाले आहेत. लोक भरभरून या व्हिडीओवर प्रतिक्रिया शेअर करताना दिसून येत आहेत.
