Pune PMPML Bus: पुण्यात पीएमपीएमल चालकाने वाहनांना दिली धडक; मनुष्यवधाचा गुन्हा दाखल
पुण्यातील सेनापती बापट रोडवरून चिंचवड गावाच्या दिशेने पीएमपीमएल बस जात होती. त्या बसमध्ये जवळपास ५० ते ६० प्रवासी होते. पण अचानकपणे चालक नीलेश सावंत याने बेभानपणे बस चालवून तीन ते चार वाहनांना धडकली. आम्हाला वाचावा, बस थांबवा असा आवाज बसमधील प्रवासी देत असल्याचा व्हिडीओ सोशल मीडियावर तुफान व्हायरल झाला आहे. या घटनेमुळे माथेफिरू एसटी चालक संतोष मानेच्या घटनेची पुनरावृत्ती झाल्याचं पाहण्यास मिळालं. या प्रकरणी आरोपीला चतु:श्रुंगी पोलिसांनी अटक केली असून त्याच्यावर सदोष मनुष्यवधाचा गुन्हा दाखल करण्यात आला आहे.