News Flash

कगोदावरी गटारीकरण विरोधी मंचतर्फे रविवारी कार्यक्रम

पर्यावरण दिनानिमित्त येत्या रविवारी (२ जून) येथील यशवंत महाराज पटांगणात सायंकाळी साडेसहा ते साडेआठ या वेळेत गोदावरी प्रदूषणाविरोधात जनजागृतीसाठी गोदावरी गटारीकरण विरोधी मंचच्या वतीने विविध

| May 31, 2013 02:17 am

पर्यावरण दिनानिमित्त येत्या रविवारी (२ जून) येथील यशवंत महाराज पटांगणात सायंकाळी साडेसहा ते साडेआठ या वेळेत गोदावरी प्रदूषणाविरोधात जनजागृतीसाठी गोदावरी गटारीकरण विरोधी मंचच्या वतीने विविध कार्यक्रमांचे आयोजन करण्यात आले आहे.
उच्च न्यायालयाने गोदावरी नदीचे पाणी मानवी वापरासाठी अयोग्य व शरीरास धोकादायक असल्याच्या आशयाचे फलक नदीकिनारी लावण्यात यावेत असे आदेश दिलेले आहेत. न्यायालयाने जनतेकडून होणारे प्रदूषण थांबविण्यासाठी ३० पोलीस कर्मचारी व चार निरीक्षकदेखील नियुक्त करण्याचे आदेश दिलेले आहेत. प्रशासकीय प्रदूषणाची म्हणजेच गटारीतून येणारे सांडपाणी, औद्योगिक रसायन यासंबंधी उपाययोजना करण्यासाठी तज्ज्ञ म्हणून ‘राष्ट्रीय पर्यावरण अभियांत्रिकी संशोधन संस्था’ या संस्थेची न्यायालयाने नेमणूकही केली आहे. या विषयावर न्यायालयाने महानगर पालिकेला मोठय़ा प्रमाणावर जनजागृती करण्याचे आदेश दिले होते.
पर्यावरण दिनानिमित्ताने गोदावरी गटारीकरण विरोधी मंचच्या वतीने होणाऱ्या जनजागृती कार्यक्रमांना नाशिककरांनी उपस्थित राहावे असे आवाहन मंचच्या वतीने राजेश पंडित, निशिकांत पगारे, जगविरसिंग, दीपक डोळस, नितिन रुईकर, संजय निकम आदींनी केले आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 31, 2013 2:17 am

Web Title: program by save godavari forum
टॅग : High Court
Next Stories
1 ‘प्रयोगशाळा ते जमीन’ उपक्रमात प्रत्यक्ष प्रशिक्षण जैवतंत्रज्ञानाचा प्रसार
2 आयुक्तांसह राजकीय पक्षांची सावध भूमिका
3 ‘रासबिहारी’ विरोधात कारवाईसाठी शिक्षण उपसंचालक कार्यालयात ठिय्या
Just Now!
X