सामाजिक बांधिलकीचा भाग म्हणून राष्ट्रीयीकृत बँका महाराष्ट्रातील दुष्काळ निवारणास हातभार म्हणून सरकारच्या मदतीसाठी पुढे आल्या असताना, सहकार क्षेत्रातील अग्रेसर अभ्युदय बँकेने त्या दिशेने एक पाऊल टाकले आहे. राज्य सरकारच्या आवाहनाला प्रतिसाद म्हणून अभ्युदय बँकेने मुंख्यमंत्री दुष्काळ निवारण निधीसाठी १ कोटी रुपयांची भरीव देणगी दिली आहे. अभ्युदय बँकेचे अध्यक्ष आमदार सीताराम घनदाट यांनी मुख्यमंत्री पृथ्वीराज चव्हाण यांची अलीकडेच मंत्रालयात भेट घेऊन हा देणगीचा धनादेश सुपूर्द केला. यावेळी त्यांच्यासोबत उपाध्यक्ष नित्यानंद प्रभू, व्यवस्थापकीय संचालक विजय मोर्ये, मुख्य महाव्यवस्थापक राजीव गांगल व अन्य संचालक उपस्थित होते.
