|| आशीष ठाकूर कालच्या मतदानोत्तर चाचण्यांचे कल व प्रत्यक्ष निकालात तीन दिवसांचा अवकाश आहे; पण या तीन दिवसांत बाजारात मात्र जबरदस्त धुरळा उडणार आहे. हे संभाव्य घातक चढ-उतार कसे हाताळावेत हे विस्तृतपणे जाणून घेण्याअगोदर गेल्या आठवडय़ाचा साप्ताहिक बंद जाणून घेऊ या. शुक्रवारचा बंद भाव: सेन्सेक्स: ३७,९३०.७७ निफ्टी: ११,४०७.२० गेल्या लेखात उल्लेख केलेला सेन्सेक्सवरील ३७,००० व निफ्टीवर ११,१०० चा स्तर राखत निर्देशांकांनी वरची उसळी मारली. येणाऱ्या दिवसांतील राजकीय नाटय़पूर्ण घडामोडीत निर्देशांकांनी सेन्सेक्सवर ३७,००० व निफ्टीवर ११,१०० चा स्तर राखल्यास प्रथम वरचे लक्ष्य सेन्सेक्सवर ३८,००० व निफ्टीवर ११,४५० असे असेल. प्रत्यक्ष निकालात पूर्ण बहुमताचे सरकार आल्यास सेन्सेक्स ३८,५०० व निफ्टी ११,५७० च्या स्तराला गवसणी घालेल. भविष्यात हा स्तर निर्देशांकांनी सातत्याने पंधरा दिवस राखल्यास निर्देशांक मंदीच्या विळख्यातून बाहेर येऊन सेन्सेक्सवर ३९,८०० व निफ्टीवर ११,९५० चा नवीन उच्चांक दृष्टिपथात येईल; पण जर का त्रिशंकू लोकसभेचे चित्र समोर आल्यास सेन्सेक्सवर ३७,००० व निफ्टीवर ११,१०० चा स्तर तोडत निर्देशांक प्रथम सेन्सेक्सवर ३५,१५० व निफ्टीवर १०,५५० व नंतर सेन्सेक्सवर ३३,३०० व निफ्टीवर १०,००० चे खालचे लक्ष्य असेल; पण जर का राजकीय पटलावर गोंधळाची, अनिश्चितता जन्माला आल्यास, मंदीच्या सुनामीचा तळ हा सेन्सेक्सवर ३०,५०० व निफ्टीवर ९,२०० असेल. या स्तरावर बाजाराचे सर्व नष्टचर्य संपून मग ते अमेरिका-चीन व्यापार युद्ध, तेलाची उकळी अथवा कमकुवत रुपया या सर्व निराशाजनक गोष्टी किमतीत अंतर्भूत होऊन, भविष्यकालीन तेजीचा पाया रचला जाईल. तेव्हा गुंतवणूकयोग्य रक्कम एकदम न गुंतवता प्रत्येक घसरणीत २० टक्के रक्कम गुंतविणे श्रेयस्कर. आता आपण त्रमासिक निकालाकडे वळू या. १) भारत पेट्रोलियम कॉर्पोरेशन तिमाही निकाल - सोमवार, २० मे १७ मेचा बंद भाव - ३७६.२० रु. निकालानंतर केंद्रिबदू स्तर - ३५० रु. (अ) उत्कृष्ट निकाल : समभागाने ३५० रुपयांचा स्तर राखत प्रथम वरचे लक्ष्य ३९० ते ४१० रुपये. भविष्यात ४१० रुपयांचा स्तर सातत्याने राखल्यास ४५० ते ४८० रुपयांच्या लक्ष्याकडे वाटचाल. (ब) सर्वसाधारण निकाल : ३५० ते ३९० रुपयांच्या पट्टय़ात (बॅण्ड) मध्ये वाटचाल. (क) निराशादायक निकाल : ३५० रुपयांचा केंद्रिबदू स्तर तोडत प्रथम ३२० व नंतर २८० रुपयांपर्यंत घसरण २) आरबीएल बँक तिमाही निकाल - बुधवार, २२ मे १७ मेचा बंद भाव - ६५५.७५ रु. निकालानंतर केंद्रिबदू स्तर - ६०० रु. (अ) उत्कृष्ट निकाल : समभागाने ६०० रुपयांचा स्तर राखत प्रथम वरचे लक्ष्य ६९० रुपये. भविष्यात ६९० रुपयांचा स्तर सातत्याने राखल्यास ७५० ते ८०० रुपयांच्या लक्ष्याकडे वाटचाल. (ब) सर्वसाधारण निकाल : ६०० ते ६९० रुपयांच्या पट्टय़ात (बॅण्ड) मध्ये वाटचाल. (क) निराशादायक निकाल : ६०० रुपयांचा केंद्रिबदू स्तर तोडत ५८० ते ५५० रुपयांपर्यंत घसरण. ३) डीव्हीज् लॅब तिमाही निकाल - शनिवार, २५ मे १७ मेचा बंद भाव - १,६३२.७० रु. निकालानंतर केंद्रिबदू स्तर - १,६०० रु. (अ) उत्कृष्ट निकाल : समभागाने १,६०० रुपयांचा स्तर राखत प्रथम वरचे लक्ष्य १,६८० ते १,७०० रुपये. भविष्यात १,७०० रुपयांचा स्तर सातत्याने राखल्यास १,७८० ते १,८५० रुपयांच्या लक्ष्याकडे वाटचाल. (ब) सर्वसाधारण निकाल : १,६०० ते १,६८० रुपयांच्या पट्टय़ात (बॅण्ड) मध्ये वाटचाल. (क) निराशादायक निकाल : १,६०० रुपयांचा केंद्रिबदू स्तर तोडत प्रथम १,५५० व नंतर १,४५० रुपयांपर्यंत घसरण. ashishthakur1966@gmail.com अस्वीकृती : शेअर बाजारातील व्यवहार हे बाजारातील जोखमीच्या अधीन आहेत. अंदाज चुकल्यास मुद्दल गमावण्याची शक्यता असते. गुंतवणूक करण्यापूर्वी तज्ज्ञ सल्लागाराचा सल्ला घेणे आवश्यक आहे.
