मेष:- उत्तम व्यावसायिक लाभ संभवतो. मनातील आकांक्षा पूर्ण होईल. तुमच्या कामाची प्रशंसा केली जाईल. घरातील प्रेमळ वातावरणात रममाण व्हाल. जोडीदाराची तब्येत सांभाळावी. वृषभ:- मुलांच्या धडपडीकडे लक्ष ठेवावे. मैदानी खेळ खेळाल. ज्ञानाचा उपयोग करून घ्याल. घरात धार्मिक कार्य होईल. हाताखालील लोकांकडून कामे होतील. मिथुन:- कामानिमित्त घरापासून दूर जावे लागेल. वाताचे त्रास संभवतात. प्रवासाने थकवा जाणवेल. मुलांच्या आरोग्याची काळजी घ्यावी. एकावेळी अनेक कामे अंगावर घेऊ नयेत. कर्क:- मनाची चंचलता जपावी लागेल. भावंडाना विरोध करू नका. काही गोष्टींपासून दूर राहावे. बौद्धिक चलाखी दाखवाल. वाहन चालविताना काळजी घ्यावी. सिंह:- न डगमगता कामे हाती घ्याल. वादविवादात अडकू नका. लहरिपणे वागू नये. घरगुती जबाबदारी वाढेल. तिखट पदार्थ खाण्याची हौस पूर्ण कराल. कन्या:- कामाचा जोम वाढेल. ध्येय साध्य करण्याचा प्रयत्न कराल. उष्णतेचा त्रास जाणवेल. उतावीळपणे निर्णय घेऊ नका. स्वतः च्या हिमतीवर काम हाती घ्यावे. तूळ:- काही कामांना खीळ बसू शकते. चारचौघात उघडपणे बोलणे टाळावे. कौटुंबिक कार्यात हातभार लावावा. व्यावसायिक लाभाचा दिवस. आर्थिक प्रश्न सुटेल. वृश्चिक:- मित्रांशी वाद वाढवू नका. मोठ्या लोकांचा सहवास लाभेल. सतत खटपट करून कामे उरकाल. सर्वांशी जुळवून घेण्याचा प्रयत्न करावा. प्रयत्नात कसूर करू नका. धनू:- कामात काही बदल करावेत. वडीलधाऱ्यांशी मतभेद होणार नाहीत याची काळजी घ्यावी. उपासनेला अधिक बळ मिळेल. व्यावसायिक प्रगतीकडे लक्ष द्यावे. कामातील तांत्रिक बाजू जाणून घ्यावी. मकर:- प्रवासात वाहन चालविताना काळजी घ्यावी. स्वकष्टावर भर द्याल. धार्मिक कामात मदत करावी. वरिष्ठांना नाराज करू नये. आवडीचे पदार्थ चाखायला मिळतील. कुंभ:- गैरसमजाला मनात थारा देऊ नका. किरकोळ जखमांकडे दुर्लक्ष करू नका. जोडीदाराशी मतभेद होणार नाहीत याची काळजी घ्यावी. नसत्या काळज्या करू नका. मुलांच्या समस्या जाणून घ्याव्यात. मीन:- भागदाराशी मतभेद वाढवू नका. अचानक लाभाने खुश व्हाल. जुन्या कामात दिवस जाईल. सासुरवाडीची मदत मिळेल. कमी श्रमात कामे होतील. – ज्योतिषी विद्याधर करंदीकर