मेष:- हाताखालील लोक तुमचे आदेश मानतील. व्यावसायिक बदलाचा विचार कराल. स्पर्धेत भाग घ्याल. काही कामात अधिक प्रयत्न करावेत. आरोग्याची काळजी घ्यावी. वृषभ:- स्वच्छतेवर अधिक लक्ष द्याल. वाहन विषयक कामे निघतील. हातात पैसे येतील. घरगुती कामात किरकोळ अडचण येईल. कामाकडे बारीक लक्ष द्यावे. मिथुन:- नोकरदारांची कामे वाढू शकतात. जवळचा प्रवास करावा लागेल. तुमचे काम तडीस जाईल. पैजेत यश येईल. आरोग्यात सुधारणा होईल. कर्क:- अंगीभूत कलागुण प्रकट होतील. स्पर्धेत यश मिळेल. घरात पाहुण्यांची रेलचेल राहील. मित्रांच्या सहवासात दिवस मजेत जाईल. चित्रकलेचा आनंद घ्याल. सिंह:- मुलांच्या समस्या समजून घ्याव्यात. चारचौघांत आपले वजन निर्माण कराल. लोक तुमच्याकडे आदराने पाहतील. वेळेची जाणीव ठेवाल. कर्तव्याचे भान राखाल. कन्या:- तुमच्यातील वैशिष्ट इतरांच्या लक्षात येईल. मत योग्यरीतीने मांडण्याची संधी मिळेल. धीटपणे वागण्याकडे लक्ष द्यावे. आर्थिक लाभ चांगला होईल. मौजमजा करण्याकडे कल राहील. तूळ:- वाढत्या खर्चावर लक्ष ठेवा. व्यवसाय वृद्धीचा विचार कराल. बाहेरील अन्नपदार्थ खाणे टाळावे. नातलग खर्चात पाडू शकतात. कामाकडे दुर्लक्ष करून चालणार नाही. वृश्चिक:- कर्म केल्याशिवाय फळ मिळणार नाही. घरात समाधानाचे वातावरण असेल. इच्छित सुख लाभेल. कलेला प्रोत्साहन मिळेल. कौटुंबिक खर्च वाढू शकतो. धनु:- नवीन वस्त्रे खरेदी कराल. हातून धार्मिक कार्य घडेल. महिलांना बाहेरील कामे अधिक करावी लागतील. मनातील इच्छा तत्काळ पूर्ण होईल. तुमच्या हातून चांगले काम होईल. मकर:- तुमच्यातील वैशिष्ट्याला चांगला वाव मिळेल. घराची कामे पूर्ण होतील. चारचौघांत तुमचे कौतुक केले जाईल. कामाला चांगली प्रसिद्धी मिळेल. प्रगतीकडे लक्ष ठेवावे. कुंभ:- अडचणींवर मात करता येईल. आरोग्याच्या काही तक्रारी राहतील. अडकलेले पैसे मिळतील. अचानक धनलाभाची शक्यता. घराची दुरुस्ती निघेल. मीन:- विशिष्ट कामात यश येईल. मोहापासून दूर राहण्याचा प्रयत्न करावा. तब्येतीत सुधारणा होईल. छुपे शत्रू त्रासदायक ठरू शकतात. जोडीदाराची काळजी घ्यावी. – ज्योतिषी विद्याधर करंदीकर
