07 December 2019

News Flash

आजचे राशीभविष्य, गुरुवार, १७ ऑक्टोबर २०१९

सर्व बारा राशींचे भविष्य

  • मेष:-
    कौटुंबिक कामे वाढतील. आपली जबाबदारी समर्थपणे उचलाल. आवडीचे पदार्थ खायला मिळतील. सर्वांना प्रेमळपणे जवळ कराल. कौटुंबिक विचार सर्वात आधी कराल.
  • वृषभ:-
    दिवस प्रसन्नतेत उगवेल. मनाजोग्या गोष्टी करता येतील. भावंडांच्या गाठीभेटी होतील. गृहिणींना कर्तेपणाचा मान मिळेल. सर्वांकडून कौतुकास पात्र व्हाल.
  • मिथुन:-
    खर्चावर नियंत्रण ठेवावे लागेल. मन एकाग्र करण्याचा प्रयत्न करावा. कामानिमित्त घरापासून दूर जावे लागेल. पारमार्थिक उन्नती कराल. यात्रेचे योग येतील.
  • कर्क:-
    उत्कृष्ट व्यावसायिक लाभ संभवतो. मनातील सर्व इच्छा पूर्ण होतील. सुखासक्तपणा जाणवेल. दिवस भारावलेला असेल. मनात नवीन योजना आखल्या जातील.
  • सिंह:-
    तुमचे सामाजिक वजन वाढेल. व्यापारी लोकांना चांगला फायदा संभवतो. घरगुती कामासाठी नवीन वस्तू खरेदी कराल. कामाच्या स्वरुपात सारखे बदल करू नका.
  • कन्या:-
    तुमची बौद्धिक बाजू सुधारेल. कामाच्या ठिकाणी कौतुक केले जाईल. कल्पनाशक्तीला चांगला वाव मिळेल. चांगले स्वप्न पडेल. धार्मिक कामात सह्भाग नोंदवाल.
  • तूळ:-
    मानसिक चांचल्य जाणवेल. शेअर्स मधून फायदा संभवतो. काही कामे कमी श्रमात पार पडतील. आकस्मिकतेने चलबिचल होवू नका. दुचाकी वाहन चालवितांना काळजी घ्यावी.
  • वृश्चिक:-
    तुमच्यातील आशावाद वाढीस लागेल. कामातील खाचाखोचा जाणून घ्याल. तुमचा ऐहिक दर्जा वाढेल. घरात शुभकार्य घडेल. आर्थिक मान सुधारता येईल.
  • धनु:-
    नातेवाईकांच्या गोतावळ्यात रमाल. हाताखालील लोकांकडून कामे व्यवस्थित पार पडतील. काही वेळेस अपेक्षाभंग होवू शकतो. आध्यात्मिक प्रगती करता येईल. अडचणीतून योग्य मार्ग काढाल.
  • मकर:-
    मुलांच्या आनंदात सहभागी व्हाल. बैठे खेळ खेळाल. रेस, जुगार यातून फायदा संभवतो. आवडते पुस्तक वाचायला मिळेल. छंद जोपासायला पुरेसा वेळ मिळेल.
  • कुंभ:-
    घरातील वातावरण प्रसन्न असेल. आवडत्या गोष्टी करायला मिळतील. बागकामाची आवड जोपासाल. जवळचे मित्र भेटतील. छान मौजमजेत दिवस जाईल.
  • मीन:-
    जवळच्या प्रवासाचा आनंद घ्याल. भावंडांचा प्रेमळ सहवास मिळेल. कामाला चांगली गती येईल. अंगीभूत कलेला वाव द्यावा. सर्वांना प्रेमाने आपलेसे कराल.

    – ज्योतिषी विद्याधर करंदीकर

First Published on October 17, 2019 1:00 am

Web Title: daily horoscope astrology in marathi thursday 17 october 2019 aau 85
Just Now!
X